પોલીસને એક જ કુટુંબની ચાર પુત્રીઓ જે ઘરેથી ભાગી ગઈ હતી એ ગોતી કાઢી છે, લગ્નની વાતો થી કંટાળી કઈ હતી

વડોદરા: શહેરમાં દંતેશ્વર વિસ્તારમાં રહેતા એક પરિવારની ચાર પુત્રીઓ ઘરમાં ચાલી રહેલા લગ્નની વાતોથી કંટાળીને ઘરેથી ભાગી છૂટી હતી. જોકે, મુંબઇ પહોંચતા પહેલા શહેર પોલીસે અમદાવાદથી ચારેય યુવતીઓને શોધી કાઢી હતી અને પરિવારજનોને સોંપી હતી. જ્યારે આ ચારે બહેનો ઘરે પરત ફર્યા ત્યારે પરિવારજનો એ પણ હાશકારો અનુભવ્યો હતો

દંતેશ્વર વિસ્તારમાં રહેતા પરિવારની ચાર બહેનો 8 ફેબ્રુઆરીએ કોઈને પણ જાણ કર્યા વિના ઘરની બહાર નીકળી હતી. આ અંગે પરિવારના સભ્યોને જાણ થતાં તેઓએ શોધખોળ શરૂ કરી હતી. જોકે તેમનો કોઈ પત્તો મળ્યો ન હતો. તેથી તેમણે આ અંગે મકરપુરાના પોલીસ અધિકારીઓને જાણ કરી. કેસની ગંભીરતા જોતાં ડીસીપી ડો. કરણરાજસિંહ વાઘેલા, એસીપી એસ.બી. કુંપાવત, પોલીસ ઇન્સ્પેક્ટર આર.એ. પટેલે તુરંત 3 ટીમો બનાવીને છોકરીઓની શોધ શરૂ કરી હતી.

પોલીસે યુવતીઓને શોધવા માટે પહેલા સીસીટીવી કેમેરા ચેક કર્યા હતા. જોકે, પોલીસને છોકરીઓ ને શોધવી થોડી મુશ્કેલી હતી કારણ કે તેઓ ઘરે મોબાઈલ ફોન મૂકી ગયા હતા. એક યુવતીના મોબાઇલમાં રેકોર્ડિંગ સાંભળ્યા બાદ પોલીસે નંબર પર ફોન કરી યુવકની પૂછપરછ કરી હતી. વાત છોકરીઓ સુધી પોહચી કે પોલીસ તેમની શોધ કરી રહી છે.

દરમિયાન, ચાર છોકરીઓમાંથી એકએ તેની માતાને ફોન પર ફોન કરીને કહ્યું કે તે ફસાઈ ગઈ છે, પરત આવવાની સ્થિતિમાં નથી. પોલીસ માટે આ નંબર અને કોલ મહત્વપૂર્ણ સાબિત થયા. તકનીકી સર્વેલન્સના આધારે પોલીસે કાલુપુર રેલ્વે સ્ટેશન પર નંબર ટ્રેસ કર્યો હતો.

ચોક્કસ સ્થળ મળતાની સાથે જ મકરપુરા પોલીસે કાલુપુર પોલીસનો સંપર્ક કર્યો. તેથી, યુવતીઓ મુંબઇની ટિકિટ મેળવે તે પહેલાં પોલીસે તેમને શોધી કાઢ્યા. જ્યારે પૂછપરછ કરવામાં આવી ત્યારે ચારેય જણાએ કહ્યું કે ઘરે લગ્નની વાત ચાલુ છે અને તેઓ લગ્ન કરવા માંગતા નથી. તેથી તે મુંબઇ જવા અને નોકરી મેળવવા માટે ઘરેથી નીકળી ગયા. દરમિયાન વડોદરા પોલીસે તેમના માતા-પિતા સાથે કાલુપુર રેલ્વે સ્ટેશન પહોંચી ચારેય યુવતીઓને સલામત પરિવારને સોંપી હતી.

પરિવારને તેમની પુત્રીની જાણ થતાં તેઓએ મકરપુરા પોલીસ સ્ટેશનના પોલીસ ઇન્સ્પેક્ટર આર.એ. પટેલ, હેડ કોન્સ્ટેબલ જીગ્નેશભાઇ અને તુલસીદાસભાઇ અને અમદાવાદ રેલ્વે પોલીસના સબ-ઇન્સ્પેક્ટર આર.કે. વાણી અને આખી ટીમનો આભાર માન્યો.