બર્થડે સ્પેશિયલ- પોતાનું રાજીનામું સાથે લઈને ફરતા હતા અબ્દુલ કલામ

Please log in or register to like posts.
Article

ડો.એપીજે અબ્દુલ કલામની જન્મતિથિ

દેશના પૂર્વ રાષ્ટ્રપતિ અબ્લુદ કલામ અત્યંત પ્રભાવશાળી વ્યક્તિ હતા. તેમણે પોતાના જીવનમાં અનેક એવા કામ કર્યા છે જે આપણા માટે આજે પણ પ્રેરણાદાયી છે. તેમના જીવનના અનેક એવા પ્રસંગો છે જે લોકો માટે માર્ગદર્શન રુપ સાબિત થાય છે. આજે તેમના જન્મદિવસ નિમિત્તે તેમાંથી અમુક પ્રસંગને યાદ કરીએ.

ઉમદા વ્યક્તિત્વનું ઉદાહરણ

અબ્દુલ કલામ એક ઉત્તમ વૈજ્ઞાનિક માત્ર નહોતા, પણ ઉમદા વ્યક્તિત્વ પણ ધરાવતા હતા. તે દરેકને સાથે લઈને ચાલવામાં માનતા હતા. એક વાર ડિફેન્સ રિસર્ચ એન્ડ ડેવલોપમેન્ટ ઓર્ગેનાઈઝેશન(DRDO)માં તેમની ટીમ બિલ્ડિંગની સુરક્ષાની ચર્ચા કરી રહી હતી. ટીમે સલાહ આપી કે, બિલ્ડિંગની દીવાલ પર કાચના ટુકડા લગાવી દેવા જોઈએ. પણ ડો.કલામે ટીમની આ સલાહને ફગાવી અને કહ્યું કે જો આપણે આમ કરીશું તો દીવાલ પર પક્ષી નહીં બેસે.

સાથે રાખતા હતાં રાજીનામું

DRDOના એખ પૂર્વ ચીફ જણાવે છે કે, અગ્નિ મિસાઈલ ટેસ્ટ સમયે કલામ ઘણાં નર્વસ હતા. તે પોતાનું રાજીનામું સાથે લઈને ફરતા હતા. તેમનું કહેવું હતું કે જો કંઈક પણ ખોટું થશે તો તે જવાબદારી લેશે અને પોતાનું પદ છોડી દેશે.
[widgets_on_pages id=”1″]
બાળકો પ્રત્યે પ્રેમ

DRDOમાં કામનું પ્રેશર વધારે હોતુ હતું. એક વાર તેમના એક સાથી વૈજ્ઞાનિકે તેમની પાસે આવીને તેમની પાસે ઘરે વહેલા જવાની પરમિશન માંગી, કારણકે તે પોતાના બાળકોને એક્ઝિબિશનમાં લઈ જવા માંગતા હતા. ડો.કલામે તેમને પરમિશન તો આપી દીધી, પણ તે વૈજ્ઞાનિક કામના ચક્કરમાં પોતે જ ભૂલી ગયા કે તેમણે વહેલા ઘરે જવાનું છે. પણ જ્યારે તે ઘરે પહોંચ્યા ત્યારે ખબર પડી કે કલામના કહેવાથી તેમના મેનેજર બાળકોને એક્ઝિબિશન જોવા લઈ ગયા હતા.

યુવાવર્ગ સાથે મુલાકાત

તમને જણાવી દઈએ કે કલામે આખા દેશમાં ફરીને લગભગ 1 કરોડ 70 લાખ યુવાનો સાથે મુલાકાત કરી હતી.

Advertisements

Comments

comments