એર કન્ડિશનમાં વધારે રહેવાથી થઇ શકે છે આવા સાઇડ ઇફેક્ટ

Please log in or register to like posts.
News

એસીથી થઇ શકે છે આ સમસ્યા

એર કન્ડિશન આધુનિક જીવનશૈલીનો એક ભાગ છે. સ્કૂલ, કોલેજ, સિનેમા, મોલ્સ તેમજ ઓફિસમાં પણ એર કન્ડિશન હોય છે. એર કન્ડિશન પહેલા લક્ઝુરિયસ જીવનશૈલીમાં ગણાતું હતું. જોકે, હવે તે જીવનજરૂરિયાતનો એક ભાગ બની ગયું છે. જોકે ,એર કન્ડિશનના વપરાશના અનેક ગેરફાયદા પણ છે. જેનાથી તમને સ્વાસ્થ્યની સમસ્યાઓ થઇ શકે છે.

ડિહાઇડ્રેશન

જ્યારે પણ તમે એસીવાળા રૂમમાં બેસો છો ત્યારે ડિહાઇડ્રેશનની સમસ્યા જરૂર થાય છે. આ પાછળનું કારણ એ કે એર કન્ડિશન રૂમને ઠંડો અને સૂકો બનાવે છે. ઉપરાંત રૂમ ઠંડો હોવાને કારણે વારંવાર પાણી પીવાની પણ જરૂર પડતી નથી.

માથાનો દુખાવો

એર કન્ડિશન રૂમમાં બેસવાથી માથાનો દુખાવો થઇ શકે છે. જેથી માઇગ્રેન થવાની પણ શક્યતા રહે છે. જેનું મુખ્ય કારણ ડિહાઇડ્રેશન અને વધુ પડતી ઠંડી શરીરમાં જવું હોય શકે છે.

ડ્રાઇ સ્કિન

વારંવાર એર કન્ડિશનમાં બેસવાથી તમારી ત્વચા પણ સૂકી થઇ શકે છે. એર કન્ડિશન રૂમમાં હોવાથી ભેજ શોષાઇ જાય છે. તેમજ તમારી ચામડીમાં રહેલો ભેજ પણ શોષી લે છે. જેથી તમને ચામડીની સમસ્યા થઇ શકે છે.

એલર્જી

એર કન્ડિશનને નિયમિત રૂપથી સાફ ના કરવામાં આવે તો તમને એલર્જી થઇ શકે છે. ચામડીમાં સંક્રમણ, એલર્જી, ડ્રાઇનેસ, ચામડી લાલ થઇ જવી અને ખંજવાળ આવવાં જેવી સમસ્યાઓ થઇ શકે છે.

થાક લાગવો

એર કન્ડિશન ઓફિસમાં કામ કરનાર કર્મચારીઓમાં ઓફિસ અવર્સ પછી થાક લાગવો અને માથાના દુખાવા જેવી ફરિયાદ હોય છે. આ ઉપરાંત તેમને શ્વાસ સંબંધિત સમસ્યાનો પણ સામનો કરવો પડે છે. લાંબો સમય એસીમાં રહેવાથી શરદી, ઉધરસ તેમજ તાવ આવવા જેવી સમસ્યા પણ થઇ શકે છે.

Source: Iamgujarat

Advertisements

Comments

comments