[whatsapp_group link=”https://chat.whatsapp.com/BfJEIyk9Zyl63Bdvnj805I” text=”જોડાઓ જો બકા વૉટ્સએપ ગ્રુપમાં”]
ભારતમાં મોટી સંખ્યામાં લોકો માને છે કે ભારતની તુલનામાં અમેરિકા કે ઇંગ્લેન્ડમાં જીવન વધુ સરળ અને સુંદર છે. નાના શહેરોના લોકો જો બીજા દેશમાં જઈને સેટલ થાય તો પાછા આવતા તેમને થોડી વધારે ઇજ્જત મળે છે. પરંતુ છેલ્લા 2 વર્ષથી પોતાના પરિવાર સાથે ભારતમાં રહેતી એક અમેરિકન મહિલાએ જે કહ્યું તે કંઈક અલગ હતું.
ક્રિસ્ટન ફિશરે અમેરિકાથી ભારતમાં શિફ્ટ થવાના પોતાના કારણો વિશે એક વિડિયોમાં વિસ્તારથી જણાવ્યું. તેમનું માનવું છે કે ભારત તેમના અમેરિકાના ઘરની તુલનામાં બેટર લાઇફ ક્વોલિટી આપે છે.
તેમણે કહ્યું – “લોકો મને અવારનવાર એક જ સવાલ પૂછે છે કે આખરે હું અમેરિકા છોડીને ભારત કેમ આવી. આ દેશો વિશે લોકોના મનમાં ઘણી વાર અલગ વિચારો હોય છે પરંતુ સત્ય એ છે કે અમેરિકામાં લોકો સામાજિક રીતે અલગ-થલગ હોય છે. નિઃશંક અમેરિકા ખૂબ સુંદર છે અને હું ત્યાં જ મોટી થઈ છું પરંતુ ત્યાં દરેક વ્યક્તિ પોતાના વિશે જ વિચારે છે. મને લાગે છે કે મારાં બાળકો ભારતમાં વધુ સફળ જીવન અને ભવિષ્ય માટે તૈયાર થઈ રહ્યા છે. તેમની પાસે એટલું સમૃદ્ધ જીવન, અનુભવો અને સમુદાય હશે જે તેમને અમેરિકામાં ક્યારેય મળ્યું ન હોત.”
https://www.instagram.com/reel/DAVpdnQg-R7/?utm_source=ig_embed&ig_rid=0481ae5c-ec52-4365-a9f7-3a091d148c34
તેમણે આગળ આ વાત પર ભાર મૂક્યો કે જ્યાં અમેરિકા પૈસા કમાવા પર કેન્દ્રિત લોકોને આકર્ષિત કરી શકે છે, ત્યાં ભારત વ્યક્તિગત વિકાસ અને વધુ અર્થપૂર્ણ અસ્તિત્વની શોધ કરનારાઓ માટે સારી લાઇફસ્ટાઇલ આપી શકે છે. ફિશરના વિડિઓ પર ઘણા કમેન્ટ્સ આવ્યા. કેટલાક લોકો તેમની વાત સાથે સહમત હતા તો કેટલાક બિલકુલ વિરુદ્ધ.
એક વ્યક્તિએ લખ્યું – “અમેરિકામાં પૈસા કમાવવા સરળ નથી. અમેરિકામાં રહેવાનો ખર્ચ ખૂબ વધારે છે. ભારતમાં ખરીદશક્તિ અમેરિકાની તુલનામાં ઘણી બેહતર છે, અને ભારતમાં વિવિધ સામાજિક-આર્થિક પૃષ્ઠભૂમિ ધરાવતા લોકો એકજૂથ થઈને રહે છે.” એક વ્યક્તિએ કહ્યું – “ભારતમાં મહિલાઓ સુરક્ષિત નથી” તો બીજાએ કહ્યું – “તે તો અમેરિકામાં પણ નથી.”
એક વિદેશી વ્યક્તિએ કમેન્ટ કર્યું “બિલકુલ સાચું કહ્યું. હું એક તિબેટી છું, ભારતમાં જન્મ્યો અને મોટો થયો છું, પરંતુ હવે હું એક ડચ નાગરિક છું. જ્યારે હું ભારતમાં હતો, ત્યારે મારું જીવન મારા મન અને સ્વાસ્થ્યની બાબતમાં ઘણું સારું હતું. તમે ક્યારેય એકલતા અનુભવતા નથી. હું આવતા વર્ષે ભારત પાછા જવાનું વિચારી રહ્યો છું!” એક યુઝરે કહ્યું – “હું તમારી સાથે સહમત છું. દસ વર્ષ સુધી અમેરિકામાં રહ્યા પછી પણ મને ત્યાં ક્યારેય ઘર જેવું લાગ્યું નથી. ઘર હંમેશા ભારત જ રહેશે.”
જણાવી દઈએ કે સ્કાયફિશ ડેવલપમેન્ટમાં કન્ટેન્ટ ક્રિએટર ક્રિસ્ટન ફિશર બે વર્ષથી દિલ્હીમાં પોતાના પરિવાર સાથે રહે છે. તેમનું ઇન્સ્ટાગ્રામ પેજ, જેના પર 58,000થી વધુ ફોલોવર્સ છે, ભારતમાં તેમના જીવનની પ્યારી ઝલકો દર્શાવે છે.
[whatsapp_group link=”https://chat.whatsapp.com/BfJEIyk9Zyl63Bdvnj805I” text=”જોડાઓ જો બકા વૉટ્સએપ ગ્રુપમાં”]