મૂવી રિવ્યૂ- શેફ મૂવી રિવ્યૂ

Please log in or register to like posts.
News

સ્ટાર કાસ્ટ: સૈફ અલી ખાન, પદ્મપ્રિયા જાનકિરમન, સ્વર કાંબલે, ચંદન રૉય સાન્યાલ, શોભિતા ધુલિપાલા
નિર્દેશક: રાજા કૃષ્ણા મેનન
સમયમર્યાદા: ૨ કલાક ૧૩ મિનિટ
રેટિંગ: ૩.૫ સ્ટાર

રોશન કાલરા (સૈફ અલી ખાન) એક થ્રી સ્ટાર મિશલિન શેફ છે, જેમને ન્યૂ યૉર્કની એક રેસ્ટૉરન્ટમાં નોકરીમાંથી બહાર કાઢી દેવામાં આવ્યા હતા કારણ કે તેમણે એક કસ્ટમરને પંચ માર્યો હતો. જેથી તેઓ તેમના દીકરા અરમાન (સ્વર કાંબલે) અને પત્ની રાધા મેનન (પદ્મપ્રિયા જાનકિરમન) કે જે તેનાથી અલગ થઈ ચૂકી છે તેમની સાથે થોડો સમય વિતાવવા માંગે છે.

આ ટ્રીપ તેમના માટે ઘણો જ ફાયદાકારક સાબિત થાય છે કારણકે આ દરમ્યાન રોશનતેની વિખરાયેલા પરિવારને ફરીથી એક કરી શકવામાં સફળ સાબિત થાય છે. તેને પોતાની ખૂબિઓ અને તાકાતનો અહેસાસ કરાવવાના હેતુથી તેની પત્ની તેને સલાહ આપે છે કે તેને ફરીથી એક નવી શરૂક કરવી જોઈએ અને તેથી તે પોતાનો એક ફૂડ ટ્રક શરૂ કરી દવું જોઈએ.

[widgets_on_pages id=”1″]

હોલિવુડમાં 2014માં આ જ નામથી એક ફિલ્મ બની હતી. સૈફ અલી ખાનની આ ફિલ્મ તમારા દિલના તાર ઝણઝણાવી દેશે. શેફ ફિલ્મ બે લેવલ પર કામ કરે છે. એક તો તેમાં શેફ કેવી રીતે પોતાની પાકકળાનો ઉપયોગ કરીને તમને અવનવી વાનગીઓ પીરસે છે તે દર્શાવવામાં આવે છે અને બીજુ તેની ઈમોશનલ જર્ની વિષે વાત કરવામાં આવી છે.

આ ફિલ્મમાં પારિવારિક સંબંધોનું સુંદર નિરૂપણ કરવામાં આવ્યું છે. કેટલાંક દૃશ્યોમાં તમારી આંખો ભીની પણ થઈ જશે. આ ઉપરાંત આધુનિક જમાનામાં પતિ-પત્ની બંનેએ સાથે મળીને બાળકનો ઉછેર કરવાના મહત્વને પણ ફિલ્મમાં સારી રીતે દર્શાવવામાં આવ્યું છે.

આ ફિલ્મ આપણને જીંદગીની હકીકતોથી વાકેફ કરાવવાની સાથે સાથે દિલને પણ સ્પર્શી જાય છે. શેફ ફિલ્મ દ્વારા તમને રસોઈ કળા અને ખાવા સાથે જોડાયેલા એક પ્રવાસ પર લઈ જાય છે. જ્યાં ફિલમ અભિનેતા સૈફ અલી ખાનની જમનાવું બનાવવાની કળા જોઈને તમને પણ મન થઈ જશે કે એપ્રન પહેરીને ચપ્ચૂ અને અન્ય સામગ્રીઓ હાથમા લઈને તમે પણ રસોડામાં જઈને સ્ક્રીન પર દેખાજવામાં આવેલા એકથી એક જોરદાર વાનગીઓને બનાવો કે જેને જોઈને જ આંગળીઓ ચાટવાનું મન થઈ જાય.

[widgets_on_pages id=”1″]

ફિલ્મની સૌથી ખાસ વાત તો એ છે કે ફિલ્મ તમને એક જોરદાર ઈમોશનલ જર્ની પર લઈ જશે, જે બાપ-દીકરા વચ્ચેનાં નબળા પડી ગયેલા સંબંધોને ફરીથી મજબૂત થતા જોવા મળશે. બંનેની વિચારસરણી ભલે અલગ હોય પણ તે બંને વચ્ચેની બૉન્ડિંગ એટલી મજબૂત છે અને તે કોઈ પણ રીતે તૂટી શકે તેમ નથી. સંબંધોને એટલી સારી રીતે દર્શાવવામાં આવ્યા છે કે કેટલીક વાર તો તમારી આંખો પણ ભીની થઈ જશે.

આ ફિલ્મમાં સૈફ અલી ખાન મુખ્ય ભૂમિકામાં છે અને તેણે બેશક દમદાર પરફોર્મન્સ આપ્યું છે. તે કેરિંગ પિતા અને પતિના રોલમાં તથા ગરમ દિમાગ શેફના રોલમાં જામે છે. પદ્મપ્રિયા પણ તેના પાત્રમાં જમે છે. નાના છોકરાનો રોલ કરનાર સ્વરના પાત્ર સાથે 10-12 વર્ષના બધા બાળકો પોતાની જાતને સાંકળી શકશે. શોભિતા ધુલિપાલા (વિન્ની)નું પાત્ર પણ નાનકડુ પણ મજાનું છે.

[widgets_on_pages id=”1″]

આ ફિલ્મ તમને આનંદથી ભરપૂર એક એવી રોડ ટ્રીપ પર લઈ જશે જ્યાં ખાવા પર અને પરિવાર પર વધારે ફોકસ કરવામાં આવ્યું હોય. અહીં કેટલાક રસપ્રદ મુકાબલાઓ પણ જોવા મળશે પરંતુ રિતેશ શાહના ડાયલૉગ્સ સ્માર્ટ અને હાજિર જવાબી છે. જો કે, ફિલ્મ થોડી ધીમી જરૂર લાગશે. આ ફિલ્મને અમારા તરફથી ૩.૫ સ્ટાર મળશે.
Source: Navgujarat Samay

Advertisements

Comments

comments

Reactions

0
0
0
0
0
0
Already reacted for this post.