કોમેડી દુનિયાનો પરિચિત ચહેરો કૃષ્ણા અભિષેક ઘણા સમયથી કપિલ શર્મા શોમાં કામ કરી રહ્યો છે. કૃષ્ણા પ્રખ્યાત અભિનેતા ગોવિંદાના ભત્રીજા છે. મામાના પગલે ચાલ્યા પછી, કૃષ્ણા કોમેડી ફિલ્મોમાં પોતાની ઓળખ બનાવવા માંગતો હતો. જોકે, કૃષ્ણાનું ગોવિંદાની જેમ બોલિવૂડમાં કામ મળ્યું નહોતું. ત્યારબાદ તેણે કપિલ શર્મા શો પસંદ કાર્યો હતો.
કૃષ્ણા કપિલ શર્માના કોમેડી શો ધ કપિલ શર્મા શોમાં સપનાની ભૂમિકામાં જોવા મળ્યો હતો. જેમાં કૃષ્ણનું કાર્ય ખૂબ વખાણવા યોગ્ય હતું.
કૃષ્ણા અભિષેક એ ઉદ્યોગનો સૌથી પ્રખ્યાત અને સૌથી વધુ કમાણી કરનાર કોમેડી અભિનેતા છે.
કૃષ્ણા તેની પત્ની કશ્મિરા શાહ અને બે પુત્રો સાથે મુંબઇના અંધેરી પશ્ચિમમાં ‘ઓબેરોય સ્પ્રિંગ્સ’ માં રહે છે. ‘ઓબેરોય સ્પ્રિંગ્સ’ ને બોલિવૂડનું હબ કહેવામાં આવે છે.
આ પોશ રહેણાંક સંકુલમાં, બોલિવૂડ અને ટીવી ઉદ્યોગમાં 16 કરતા વધુ લોકપ્રિય સિતારાઓ રહે છે. આ સિવાય અમેરિકા (યુએસએ) ના લોસ એન્જલ શહેરમાં પણ કૃષ્ણા અભિષેક અને કશ્મીરા શાહે એક બંગલા ખરીદ્યો છે.
કૃષ્ણા અને કશ્મીરાને કેલિફોર્નિયાના લોસ એન્જલસ ખૂબ ગમે છે, બંને જણ વારંવાર ત્યાં વેકેશન પર જતા હોય છે. જેના લીધે કૃષ્ણાએ અહીં પોતાનું ઘર ખરીદવાનું નક્કી કર્યું હતું. હા, તેઓએ 2017 માં તેના પરિવાર માટે લોસમાં એક અલીશાન બંગલો ખરીદ્યો છે. તેનો બંગલો પશ્ચિમ હોલીવુડમાં સ્થિત છે. આ બંગલાની કિંમત લગભગ 35 કરોડ છે.
વિશેષ વાત એ છે કે તે જ વર્ષે, કાશ્મિરા અને કૃષ્ણના જીવનમાં બે ખુશીનો માહોલ છવાઇ ગયો હતો. કારણ કે આજ વર્ષે કૃષ્ણ અને કશ્મિરા સરોગસી દ્વારા જોડિયા પુત્રોના માતાપિતા બન્યા હતા અને માતાપિતા બન્યાના થોડા જ સમયમાં, કૃષ્ણે તેના પરિવાર માટે કેલિફોર્નિયામાં આ સુંદર બંગલો ખરીદ્યો હતો. જો કે, પોતાનું અંગત જીવન ગુપ્ત રાખનારા કૃષ્ણાએ કેલિફોર્નિયાના ઘરની વાત છુપાવી રાખી હતી પરંતુ ક્રિષ્નાની બહેન આરતી સિંહે ભાઈના આ રહસ્યને સોશિયલ મીડિયા પર જાહેર કર્યું હતું.
પોતાની ભાભી સાથે કેલિફોર્નિયામાં રજા પર ગયેલી આરતીએ ઘરની કેટલીક તસવીરો ઇન્સ્ટાગ્રામ પર પોસ્ટ કરી હતી. આ સાથે, તેણે પોતાની ખુશી બધા સાથે શેર કરી હતી.
આરતીની આ પોસ્ટ દ્વારા કેલિફોર્નિયામાં ક્રિષ્ના ઘર ખરીદવાના સમાચારો અને તસવીરો સોશિયલ મીડિયા પર વાયરલ થઈ હતી. કૃષ્ણા વ્યસ્ત કામને કારણે તેના કેલિફોર્નિયાના બંગલામાં રહી શકતો નથી પરંતુ કાશ્મીરા અને તેના બાળકો અવારનવાર ત્યાં રજાઓ પર જતા હોય છે. તમને જણાવી દઈએ કે કૃષ્ણ અને કશ્મિરાના લગ્ન લાસ વેગાસમાં ચર્ચમાં 2013માં થયા હતા પરંતુ તેમના લગ્ન વર્ષ 2015 માં બે વર્ષ બાદ મીડિયા સામે બહાર આવ્યા હતા.
