પુખ્ત વયના લોકો અને બાળકોમાં ચેપ લાગવાના કિસ્સાઓમાં અચાનક વધારો થયો છે. આવી સ્થિતિમાં આરોગ્ય અધિકારીઓ પહેલા કરતા વધુ જાગૃત રહેવાની સલાહ આપી રહ્યા છે. જોકે તમારે પણ તમારા બાળકોને અત્યારે અમુક સ્થળોથી દૂર રાખવા વધુ સારું છે.
ભારતમાં કોરોના વાયરસનો કહેર ફરી એકવાર વધી રહ્યો છે. ચિંતાની વાત છે કે કોરોનાનું આ નવું સ્ટ્રેન નાના બાળકો માટે વધુ જોખમી છે. પુખ્ત વયના લોકો અને બાળકોમાં ચેપ લાગવાના કિસ્સાઓમાં અચાનક વધારો થાય છે. આવી સ્થિતિમાં આરોગ્ય અધિકારીઓ પહેલા કરતા વધુ જાગૃત રહેવાની સલાહ આપી રહ્યા છે. આવામાં બિનજરૂરી રીતે બહાર ન જવાનો પ્રયાસ કરો. ખાસ કરીને એવા સ્થળોની મુલાકાત લેવાનું ટાળો જ્યાં કોરોના ચેપ સૌથી વધુ જોખમ છે.
સ્વિમિંગ પૂલ- ઉનાળાની સીઝન નજીક આવતા જ કેટલાક માતા-પિતા તેમના બાળકોને સ્વિમિંગ ના કલાસમાં મોકલવા માંડે છે પરંતુ વર્તમાન કટોકટીને ધ્યાનમાં લેતા, સ્વિમિંગ વર્ગો ના લેવાનું વધુ સારું રહેશે. જો શક્ય હોય તો, બાળકોને ઘરે કોઈ પણ પ્રવૃત્તિમાં વ્યસ્ત રાખો.
સ્પોર્ટ્સ કોમ્પ્લેક્સ- જે લોકો ક્રિકેટ, ફૂટબોલ, ટેનિસ અથવા અન્ય કોઈ રમત પ્રવૃત્તિમાં ભાગ લે છે તેઓએ પણ થોડા દિવસો માટે ઘરે જ રહેવું જોઈએ. યાદ રાખો કે તમે માત્ર ચેપગ્રસ્ત વ્યક્તિના સંપર્કમાં જ નહીં, પણ સપાટીને સ્પર્શ કરીને પણ ચેપ લગાવી શકો છો.
ફંક્શન-પાર્ટી- લોકડાઉનમાં પહેલાની જેમ સ્થિતિ ખરાબ ના થાય એટલા માટે રાજ્ય સ્તરે સરકારો ફક્ત કર્ફ્યુ પર જ ભાર આપી રહી છે. જોકે લોકો પાર્ટીના કાર્યક્રમમાં ભાગ લેવા માટે ચૂકતા નથી. તમારા બાળકોને આવી જગ્યાએ બિલકુલ ન લઈ જાઓ અને ઘરની બહાર જતા સમયે માસ્ક પહેરો.
મોલ અથવા બજાર – ખરીદી માટે મોલ અથવા માર્કેટમાં ન જશો, ન બાળકોને લઇ જવાની ભૂલ કરો. આવી જગ્યાઓ પર રોજ લાખો લોકોની અવરજવર થતી હોય છે. આ કિસ્સામાં, ચેપ લાગવાનું જોખમ પણ વધારે છે. તેથી શક્ય તેટલું હમણાં ઑનલાઇન ખરીદી કરો.
જિમ અથવા ફિટનેસ સેન્ટર – 30 વર્ષથી ઓછી ઉંમરના લોકો જિમ અથવા ફિટનેસ સેન્ટરમાં વધુ જોવામાં આવે છે. જોકે હાલમાં થોડાક દિવસ ઘરે કસરત કરો. સોશિયલ મીડિયા પર સેંકડો માર્ગો છે, જેના દ્વારા તમે ઘરે જાતે ફીટ રહી શકો.
પાર્ક અથવા રમતનું મેદાન – અભ્યાસની સાથે બાળકો માટે રમતો રમવી પણ મહત્વપૂર્ણ છે. પરંતુ હાલના સંજોગોમાં, તેમના ઘરની બહાર જવું અને ઉદ્યાનમાં રમવું તમારા માટે એક ભાર હોઈ શકે છે. આ સમયે, બાળકોને અન્ય લોકોથી સંપૂર્ણપણે અલગ રાખો અને વાયરસથી બચવા માટેના રસ્તાઓ વિશે તેમને સારી રીતે કહો.
ટૂરિસ્ટ ડેસ્ટિનેશન- ઉનાળો આવતાની સાથે જ લોકો હિલ સ્ટેશન પર જવાની જીદ કરે છે. પરંતુ આ સમયે કોઈપણ સ્થળે મુસાફરી કરવી તે સૌથી મોટી મૂર્ખામી છે. આવામાં પર્યટક સ્થળથી દૂર રહો અને માતાપિતાએ તેમના બાળકોને બહાર ફેલાતા જોખમથી વાકેફ કરવું જોઈએ. આ સાથે તેમને જાહેર સ્થળોએ ન જવાની સૂચના આપો.
