મૂવી રિવ્યુઃ જાણો, કેવી ફિલ્મ છે ‘ગોલમાલ અગેઇન’

Please log in or register to like posts.
Article

રેટિંગ: 3.5/5

સ્ટાર કાસ્ટ: અજય દેવગણ, અરશદ વારસી, તબૂ, તુષાક કપૂર, શ્રેયસ તલપડે, પરિણીતિ ચોપરા, પ્રકાશ રાજ, નીલ નીતિન મૂકેશ, કૃણાલ ખેમૂ, મૂકેશ તિવારી, જ્હોની લિવર

ડિરેક્ટર: રોહિત શેટ્ટી

ડ્યૂરેશન: 2 કલાક 31 મિનિટ

ફિલ્મનો પ્રકાર: કોમેડી

ભાષા: હિન્દી

સ્ટોરી

પાંચ મિત્રોનું ગ્રૂપ – ગોપાલ (અજય દેવગણ), માધવ (અરશદ વારસી), લકી (તુષાર કપૂર), લક્ષ્મણ (શ્રેયસ) અને લક્ષ્મણ (કૃણાલ) અનાથ છે, જે ઉટીના શેઠ જમનાદાસ અનાથાલયમાં ઉછર્યા છે. અનાથ આશ્રમના ગુરુના મૃત્યુ બાદ તેઓ ફરી એ જ અનાથાલયમાં પહોંચે છે અને ત્યાં તેમને જાણવા મળે છે કે, વાસુ રેડ્ડી નામનો કોઈ બિલ્ડર (પ્રકાશ રાજ) અને તેનો સાથીદાર નિખિલ (નીલ) એ આશ્રમ અને તેની સાથેના કર્નલ ચૌહાણ (સચિન કેલકર)ના પ્લોટને પચાવવા માગે છે. જોકે તેમને અહેસાસ થાય છે કે, તેમની ગેરહાજરીમાં કેટલાક ફ્રેન્ડલી ભૂત ત્યાં રહેવા લાગે છે અને અન્ના મેથ્યુ (તબૂ), જે આત્માઓ સાથે વાત કરી શકે છે, તે આ યુવકોની ગાઇડનું કામ કરે છે.

હાસ્યથી ભરપૂર છે ‘ગોલમાલ અગેઇન’

‘ગોલમાલ’ એક એવી સનકી કોમેડીની ફ્રેન્ચાઇઝી છે, જે છેલ્લાં 11 વર્ષથી જીવતી રાખવામાં આવી છે. ટીવી ચેનલ પર જ્યારે પણ ‘ગોલમાલ’ સિરીઝની ફિલ્મોનું પ્રસારણ થાય છે ત્યારે લોકો પોતાનું હસવાનું રોકી શકતા નથી. ફિલ્મ શરૂઆતથી જુઓ કે વચ્ચેથી, તેનો કોઈ ફર્ક પડતો નથી. ફિલ્મની હાસ્યકથા ઘણી જગ્યાએ ખરેખર તમને હસાવે છે, તો ઘણી જગ્યાએ એવરેજ છે, પરંતુ આખી ફિલ્મ દરમિયાન પેટ પકડીને હસતા રહેશો, કારણ કે ફિલ્મના દરેક અભિનેતાને જોવો ખૂબ મજેદાર અનુભવ છે. વાત ભલે હલકાતા લક્ષ્મણ (શ્રેયસ)ની હોય કે પછી દબંગ ગોપાલની, જે ભૂતોથી કંઈક વધારે પડતો ડરે છે, ફિલ્મનું દરેક કેરેક્ટર એટલું અનુભવી અને દક્ષ છે કે તમે તેમની હરકતોને જોઈને પોતાનું હસવાનું રોકી નહિ શકો. આમ તો ફિલ્મના ડાયલોગ ખૂબ મામૂલી અને નીરસ છે, પરંતુ હાસ્યથી ભરપૂર છે.

સીન્સ

ફિલ્મને હોરર એન્ગલ સાથે જોડવામાં આવી છે. સાઉથની ફિલ્મ ‘કંચન’માંથી પ્રેરિત આ ફિલ્મમાં એક એવું ભૂત બતાવાયું છે કે, જે બદલો લેવા માગે છે. જોકે આ ડરામણી પળો પણ ખૂબ હળવા અંદાજમાં ફિલ્માવાઈ છે. ફિલ્મના ઘણા સીન્સ એવા છે, જેને તમે પહેલાં ઘણી વાર જોયા હશે. તેમ છતાં તમને હસવું આવશે.

એક્ટિંગ

અહીં કહેવું પડે કે, રોહિત શેટ્ટી તમને જરા પણ બેચેન થવા દેશે નહિ. અહીં મસ્તી-મજાક, લડાઈ, ગીત, હાસ્ય, ભૂતનો બુફે છે, જે તમને ઓવરડોઝ પણ થઈ શકે છે. ઘણી વાર તમે તમારી બેવકૂફીઓ પર હસવા ઉપરાંત બીજું કશું કરી શકતા નથી. પર્ફોર્મન્સની વાત કરીએ તો તાંત્રિકનું કેરેક્ટક તબૂએ જીવંત બનાવી દીધું છે. એક્સ્ટ્રા રોલ જેવા કે વસૂલી ભાઈ (મૂકેશ) અને પપ્પી (જોની લિવર)ને સારું ફૂટેજ મળ્યું છે. જોકે શ્રેયલ તલપડેએ કમાલ કરી છે. પરિણીતિ (ખુશી/દામિની)નો ઉપયોગ માત્ર ધ્યાન ભટકાવવા માટે કરવામાં આવ્યો છે, જે તે કરે છે. અજય, અરશદ, તુષાર અને કૃણાલે પણ પોતાનું કામ બખૂબી નિભાવ્યું છે.

લોજિક નહિ, માત્ર મેજિક

જો તમે તેમાં કંઈક શોધી રહ્યા હોવ તો ત્યાં કોઈ લોજિક નહિ મળે, બસ મેજિક જ મળશે. જો તમે માત્ર હસવા માગો છો, તો ગોલમાલ અગેઇન જોવા જઈ શકો છો.

Source: IamGujart

Advertisements

Comments

comments