માનવ શરીરની ચોંકાવનારી વાતો

Please log in or register to like posts.
Article

તમને આ વાત સાંભળીને જોરદાર આંચકો લાગશે કે આપણા શરીરમાં રહેલી રક્ત વાહિનીઓ ૧,૦૦,૦૦૦ માઈલ (૧૬ કિલોમીટરથી વધુ) લાંબી હોય છે. તેમજ આપણે એક દિવસમાં અંદાજીત ૫૦,૦૦૦ વાર શ્વાસ લઈએ છે. આપણું શરીર આવા જ આશ્ચર્યોથી સભર છે. તો આવો આજે જાણીએ આપણા શરીર સાથે જોડાયેલી રોમાંચક અને અજાણ્યા તથ્યો કે જે જાણીને તમારા જ્ઞાનમાં પણ વધારો થશે…

 

તમારા શરીરનો સૌથી મજબૂત સ્નાયુ?

શરીરનું સૌથી મજબૂત હાડકું સાથળનું છે એ તો તમને ખબર હશે પણ સૌથી મજબૂત મસલ એટલે કે સ્નાયુ કયું છે તે ખબર છે? તમારા શરીરનું સૌથી તાકાતવાળું અને વધુ સહન શક્તિ ધરાવતું સ્નાયુ છે માસ્ટર મસલ. આ માસ્ટર મસલ તમારા ગાલ પર આવેલું છે, આ સ્નાયુનો ઉપયોગ તમે જડબું ખોલવા અને બંધ કરવા માટે ઉપયોગમાં લો છો.

 

આપણને તરસ કેમ લાગે છે?

છે તમારી પાસે આ સવાલનો જવાબ? આપણા શરીરના વજનનો 1 ટકો પાણી શરીરમાંથી ઓછું થાય ત્યારે તરસની અનુભૂતિ થાય છે. જો શરીરના વજન પ્રમાણે 5% જેટલું પાણી ઘટે તો બેભાન થવાનો અનુભવ થાય છે, અને જો 10 ટકા ઘટી જાય તો ડિહાઈડ્રોશનના કારણે મૃત્યુ થઈ શકે છે.

 

તમે ઉંઘમાં જોયેલા સપના ભૂલી જાવ છો?

તમારો જવાબ ‘હા’ જ હશે. આ માત્ર તમારી સાથે જ નહીં પણ દરેક વ્યક્તિઓ પોતાને દેખાયેલા સપનામાંથી 90% સપના ભૂલી જાય છે. મનુસ્યની ઊંઘની અમુક કલાકની સાઈકલ હોય છે, દરેક સાઈકલમાં 5 સ્ટેજ હોય છે, જેમાં પહેલાના 4 સ્ટેજમાં સામાન્યથી ઊંડી ઊંઘ આવે છે. આ તબક્કાઓને સાથે એક પાંચમો તબક્કો હોય છે જેને REM સ્ટેજ તરીકે ઓળખવામાં આવે છે. REM એટલે રેપિડ આઈ મૂવમેન્ટ એટલે કે આ અવસ્થામાં ઊંડી ઊંઘ નથી હોતી અને આપણી ઊંઘ પૂરી થવાની તૈયારી હોય છે આવા સમયે આવેલા સપના આપણને યાદ રહી જતા હોય છે.

 

સ્ત્રી કે પુરુષ: કોનું હ્રદય વધારે ઝડપથી ધબકે છે?

કેનેડામાં થયેલા અભ્યાસ મુજબ સ્ત્રીઓના ધબકારા પુરુષો કરતા વધુ ઝડપી હોય છે. આજ સ્ટડીમાં એવું પણ કહેવાયું છે કે, સર્કેડિયન રિધમ 1.7 અને 2.3 કલાક જેટલી પુરુષ પાર્ટનર કરતા ઝડપી હોય છે.

 

ક્યારે બાળકમાં ફિંગરપ્રિંટ વિકસે છે?

કેલિફોર્નિયાની યુનિવર્સિટીના રિસર્ચ મુજબ જ્યારે બાળક માતાના ગર્ભમાં હોય અને 6 મહિનાનું થાય ત્યારે તેના હાથ પર ફિંગરપ્રિન્ટ બની જાય છે.

 

આપણા શરીરમાં એક સેકન્ડમાં કેટલાં કોષો નાશ પામે છે?

માનવ શરીરમાં કોષો બનતા રહે છે અને નાશ થતા રહે છે. લગભગ 300 મિલિયન કોષો દર મિનિટે આપણા શરીરમાં નાશ પામે છે. તમને આ વાક્ય વાંચતા જેટલો સમય લાગે છે તે દરમિયાન તમારા શરીરમાં 50,000 કોષો મૃતપાય બને છે, અને નવા બને છે.

 

જ્ઞાનતંતુઓ કેટલી ઝડપથી મગજને સંકેતો મોકલે છે?

મગજ દ્રારા મોકલાયેલો સંદેશો 268 માઈલ્સ/કલાકની ઝડપે પહોંચે છે.

 

શું તમે જાણો છો કે, બાળક ગળવાની અને શ્વાસ લેવાની પ્રક્રિયા એક સાથે કરે છે?

શ્વાસ અને ઉચ્છવાસની પ્રક્રિયા શીખતા કેટલાક બાળકોને શીખતા સમય લાગે છે. જન્મ સમયે બાળક મોઢું બંધ કરે ત્યારે તેને કંઠચ્છેદ અને તાળવું ચોંટી જતા હોય છે જેના કારણે આ સમસ્યા નડતી હોય છે. સ્તનપાન દરમિયાન જ્યારે તે ગળવાની કોશિશ કરે ત્યારે કંઠચ્છેદ અને તાળવું ઈન્ટરલોક થઈ જાય છે. એટલે બાળક ગળવાની અને શ્વાસ લેવાની પ્રક્રિયા એક સાથે કરે છે- પણ વયસ્ક વ્યક્તિ માટે આમ કરવું શક્ય નથી.

 

ફેફસાની સપાટીનો કુલ વિસ્તાર કેટલો હોય છે?

ફેફસાની કુલ સપાટી 50થી 75 ચોરસ મીટર હોય છે, જેનું માપ કાઢવા જઈએ તો એક ટેનિસ કોર્ટ જેટલું થાય.

 

માનવ શરીરનો સૌથી નાનો અને સૌથી મોટો એકમ કયો છે?

શરીરનો સૌથી મોટા કોષ તરીકે ફિમેલ એગ્સ અને પુરુષોના સ્પર્મની સરખામણી થાય છે. માણસના વિર્યના કોષની લંબાઈ 50 માઈક્રોમીટર (0.05 મિલિમીટર અથવા 0.002 ઈંચ જેટલી) થાય.

 

શું કોઈ વ્યક્તિ ભૂખમરાના અભાવે અથવા ઊંઘ સાથે ઝડપથી મૃત્યુ પામે છે?

માણસ ખાધા વગર વધારે સમય સુધી જીવી શકે છે પણ ઊંઘ જીવન માટે જરુરી છે. જો માણસને 11 દિવસ જેટલું સળંગ ઊંઘવા ન મળે તો તેનું મોત થઈ શકે છે જ્યારે ખાધા વગર વ્યક્તિ કેટલાક અઠવાડિયાઓ સુધી જીવી શકે છે.

 

સ્તોત્ર: નવગુજરાત સમય

Comments

comments