મૂવી રિવ્યુઃ ઇત્તેફાક

Please log in or register to like posts.
Article

જૂની ‘ઇત્તેફાક’ની રીમેક

જો આપણે સાઈઠના દાયકામાં બનેલી બી.આર.ચોપરા પ્રોડક્શનની ફિલ્મ ‘ઇત્તેફાક’નો ઉલ્લેખ કરીએ તો તે ફિલ્મમાં પહેલીવાર ડિરેક્ટરે એકસાથે અનેક એવા પ્રયોગ કર્યા હતાં. જે તે સમયમાં બોક્સઓફિસ માટે ઘાતક માનવામાં આવતા હતાં. જોકે, તે સમયમાં ‘કાનૂન’ જેવી ઓફબીટ ફિલ્મ સફળ રહી હતી. પરંતુ સાઇઠ-સિત્તેરના દાયકામાં સુપરસ્ટાર રાજેશ ખન્નાને લઇને માત્ર દોઢ કલાકની ફિલ્મ બનાવવી એ જોખમી હતું. તે સમયમાં જ્યારે ત્રણ કલાકની ફિલ્મ ચાલતી હતી ત્યારે આ ફિલ્મને 90 મિનિટની બનાવવામાં આવી હતી. બોક્સઓફિસ પર ફિલ્મ હિટ કરાવવા માટે એક્શન, કોમેડી અને મ્યૂઝિક જરૂરી માનવામાં આવતું હતું પર્તુ ચોપડા બેનરની આ ફિલ્મમાં એવું કશું જ નહોતું. છતાં સફળ રહી હતી.

પ્રમોશન વગર જ થઇ રીલિઝ

આમ તો ચોપરાના બેનર હેઠળ બનેલી આ ફિલ્મ પણ અમેરિકન મૂવી ‘સાઇનપોસ્ટઃ ટુ મર્ડર’ની રીમેક હતી. આ શુક્રવારે આવેલી ‘ઇત્તેફાક’ રાજેશ ખન્નાની ફિલ્મની રીમેક છે. પ્રોડક્શન કંપનીએ રીલિઝ પહેલા આ ફિલ્મના રહસ્યને છુપાવવા માટે ઘણું જ કર્યું હતું. મુંબઇ સહિત ક્યાંય પણ આ ફિલ્મનું પ્રીવ્યૂ સ્ક્રિનિંગ રાખવામાં આવ્યું નહોતું. ફિલ્મની સ્ટારકાસ્ટ અને ક્રૂ મેમ્બર્સને કડક સૂચના આપવામાં આવી હતી કે ક્લાઇમેક્સનો ઉલ્લેખ ક્યાંય પણ કરવો નહીં. હદ તો તે સમયે થઇ હતી જ્યારે પ્રોડક્શન કંપનીએ ફિલ્મને પ્રમોશન વગર જ રીલિઝ કરવાનો નિર્ણય કર્યો હતો.

આવી છે સ્ટોરી

સ્ટોરી પ્લોટઃ વિક્રમ સેઠી (સિદ્ધાર્થ મલ્હોત્રા) એક ફેમસ રાઇટર છે. અચાનક જ એક દુર્ઘટનામાં વિક્રમની પત્ની કેથરીન સેઠીનું અવસાન થઇ જાય છે. બીજી બાજુ તે જ દિવસે માયા (સોનાક્ષી સિંહા)ના પતિ શેખર સિંહાની પણ હત્યા થઇ જાય છે. પોલીસ તપાસ દરમિયાન કેથરીનના મોતમાં પોલીસને શંકા પડે છે. જોકે, આ બન્ને મર્ડર કેસની તપાસ કરી રહેલા ઇન્સ્પેક્ટર દેવ (અક્ષય ખન્ના)ને લાગે છે કે આ હત્યાઓ પાછળ કેથરીનના પતિ વિક્રમ સેઠીનો હાથ છે. આથી મર્ડરનો ચાર્જ વિક્રમ પર લાગે છે.

આખરે ખૂની કોણ?

હકીકતમાં વિક્રમ રાતે થયેલા એક્સિડન્ટ પછી માયા પાસે મદદ માંગવા માટે ગયો હતો. એડ્વોકેટ શેખર સિંહાના મર્ડર કેસમાં દેવને શેખરની પત્ની માયા સિંહા પર પણ શક છે. ઇન્સ્પેક્ટર દેવ આ મર્ડરના રહસ્યને પોતાની રીતે ઉકેલવા પ્રયત્ન કરે છે. આ માટે વિક્રમ અને માયાને પોતપોતાની વાત કહેવાની તક આપે છે. આથી દેવના મગજમાં એક જ સવાલ છે કે આખરે ખૂનીનો આખરી હેતુ શું હતો.? અને ખૂની કોણ છે? રિવ્યૂમાં જો અમે કંઇપણ જણાવીશું તો તમારી ફિલ્મ જોવાની મજા ખતમ થઇ જશે.

અસરદાર છે સિનેમેટોગ્રાફી

યંગ ડિરેક્ટર અભય ચોપડાએ આ ડાર્ક શેડ મર્ડર મિસ્ટ્રીને અસરદાર રીતે પડદા પર ફિલ્માવી છે. તમને છેલ્લે સુધી જાણ થતી નથી કે આખરે હત્યારો કોણ છે. આ જ કારણ છે કે આશરે પોણા બે કલાકની ફિલ્મ તમને સીટ સાથે બાંધી રાખે છે. અભયે સ્ટોરીને પડદા પર એ રીતે ફિલ્માવી છે કે ફિલ્મમાં બે મર્ડર થયેલા છે અને દર્શકો અંત સુધી હત્યારાનો અંદાજ લગાવે છે.

અક્ષયે બદલી પોતાની સ્ટાઇલ

જ્હોન અબ્રાહમ સ્ટારર ઢિશૂમ પછી અક્ષય ખન્નાએ પોતાની સ્ટાઇલ બદલી છે. આ ફિલ્મમાં અક્ષયે ગજબની એક્ટિંગ કરી છે. ઇન્સ્પેક્ટર દેવના રોલમાં અક્ષય જામી રહ્યો છે. તો સિદ્ધાર્થ મલ્હોત્રાએ પણ પોતાના રોલને અલગ જ રીતે રજૂ કરવાની કોશિશ કરી છે. માયાના રોલમાં સોનાક્ષી સિંહાએ કંઇ ખાસ કર્યું નથી. જો સોનાક્ષી સિંહા અને સિદ્ધાર્થના રોલ પર વધારે કામ કરવામાં આવ્યું હોત તો બન્ને રોલ ફિલ્મને વધારે પાવરફૂલ બનાવી શક્યા હોત.

શા માટે જોવી જોઇએઃ અક્ષય ખન્નાની શાનદાર એક્ટિંગ અને યંગ ડિરેક્ટર અભયની સ્ટોરી પર પકડ ફિલ્મની યુએસપી છે. જો તમને સસ્પેન્સ થ્રિલર ફિલ્મ જોવી પસંદ છે તો ‘ઇત્તેફાક’ તમને અપસેટ નહીં કરે.

Source: Iamgujarat

Advertisements

Comments

comments