આફ્રિકામાં જાડેજાએ અસલી સિંહ સાથે પડાવ્યો ફોટો, ફેન્સ પણ થયા દંગ

Please log in or register to like posts.
News

ટીમ ઈન્ડિયાએ લીધો જંગલ સફારીનો આનંદ

ભારતીય ક્રિકેટ ટીમ હાલમાં સાઉથ આફ્રિકાના પ્રવાસ પર છે. ત્રણ ટેસ્ટ મેચોની સીરીઝમાં ભારત પહેલાથી જ 0-2થી પાછળ છે. હવે છેલ્લો મુકાબલો 24 જાન્યુઆરીએ જ્હોનિસબર્ગમાં રમાશે. આ પહેલા ટીમના કેટલાક ખેલાડીઓ જંગલ સફારીનો આનંદ લઈ રહ્યા છે, અને એક ખેલાડીએ તો સિંહ સાથે પણ ફોટો પડાવી લીધો.

હાર બાદ રિફ્રેશ થઈ રહ્યા છે ખેલાડીઓ

સાઉથ આફ્રિકા વિરુદ્ધ પહેલી બે ટેસ્ટ હાર્યા બાદ ટીમ ઈન્ડિયા પાસે હવે ગુમાવવા માટે કશુ બાકી રહ્યું નથી. ટ્રોફી તો હાથમાંથી નીકળી ગઈ છે તેથી હવે ખેલાડીઓ મૂડ ફ્રેશ કરવા માટે જ્હોનિસબર્ગમાં ફરી રહ્યા છે. છેલ્લી મેચ અહીંયા રમાવાની છે અને સમગ્ર ટીમ અહીંયા પહોંચી ગઈ છે. આ દરમિયાન રવિન્દ્ર જાડેજાએ એક તસવીર ઈન્સ્ટાગ્રામ પર શેર કરી છે. જંગલ સફારીની આ તસવીર જોઈને ફેન્સ પણ દંગ રહી ગયા છે.

જાડેજાની સિંહ સાથે સેલ્ફી

જાડેજાએ આફ્રિકાની સફારીનો આનંદ લઈ રહ્યો છે. તેણે પોતાના ઈન્સ્ટાગ્રામ પર સિંહ સાથે મસ્તી કરતા એક સેલ્ફી પોસ્ટ કરી છે. આ સેલ્ફીમાં જાડેજા ‘ક્ષત્રિય’ લખેલી ટોપી પહેરેલો છે અને ઊંઘી રહેલા સિંહ સાથે પોતે પણ આરામ ફરમાવી રહ્યો છે.

‘સિંહ, સિંહ હોય છે’

રવિન્દ્ર જાડેજાએ સેલ્ફી પોસ્ટ કરતા લખ્યું, ‘સિંહ, સિંહ હોય છે, પછી તે સાસણગીર હોય કે જ્હોનિસબર્ગ. પાંજરામાં સિંહને બધા લોકો પથ્થર મારે છે, અસલી મર્દ સામે ઉભો રહે છે.’ જોકે જાડેજાની આ હિમ્મત પ્રશંસાને પાત્ર છે. કારણ કે અસલી સિંહ સાથે આવી રીતે સૂઈનો ફોટો પડાવવો એ કોઈ સરળ કામ નથી.

Source: IamGujarat

Advertisements

Comments

comments

Reactions

0
0
0
0
0
0
Already reacted for this post.