મોદી સરકારનો આ કાયદો આવતા જ ‘કાયમી નોટબંધી’, તમારા ખાતાના લાખો રૂપિયા…

Please log in or register to like posts.
News

મોદી સરકારે પોતાના કાર્યકાળ દરમ્યાન નાણાંકીય જગત પર મોટી અસર પહોંચાડનાર કેટલાંય મોટા નિર્ણય લીધા છે. તેમાં નોટબંધી કરીને દેશમાં સંચાર થઇ રહેલા 86 ટકા મુદ્રાને બંધ કરવા અને તેની જગ્યાએ નવી મુદ્રાનો સંચાર શરૂ કરવો વન નેશન વન ટેક્સની પરિકલ્પનાની અંતર્ગત ગુડઝ એન્ડ સર્વિસીસ ટેક્સ (જીએસટી) લાગૂ કરવા અને બેન્કોની એનપીએનું સંકટ દૂર કરવા માટે સરકારી તિજોરીમાંથી લાખો કરોડોની ચૂકવણી કરવી સામેલ છે. આ ક્રમમાં મોદી સરકાર બેન્કિંગ વ્યવસ્થામાં વધુ એક કાયદો બનાવી રહ્યાં છે તેની વ્યાપક અસર માત્ર બેન્કો પર જ પડશે નહીં પરંતુ બેન્કમાં બચત ખાતામાં પૈસા રાખનાર એક-એક ગ્રાહક આ કાયદાના દાયરામાં રહેશે અને આ કાયદાથી તેના માટે એક કયારેય ખત્મ ન થનાર ‘પરમેનન્ટ નોટબંધી’નું નવું માળખાકીય સ્ટ્રકચર ઉભું થઇ જશે.

શું છે નવો કાયદો?

કેન્દ્ર સરકાર ફાઇનાન્સિયલ રિઝોલ્યુશન એન્ડ ડિપોઝીટ ઇન્શયોરન્સ બિલ (એફઆરડીઆઈ બિલ) 2017ની જોરશોરથી તૈયારી કરીને આગામી શિયાળુ સત્ર દરમ્યાન સંસદમાં રજૂ કરવા જઇ રહ્યાં છે. સંસદના બંને ગૃહમાં પૂરતી બહુમતીના લીધે આ બીલ સરળતાથી પસાર થઇને નવો કાયદો પણ બની જશે. આની પહેલાં આ બિલને કેન્દ્ર સરકારે ચોમાસું સત્ર દરમ્યાન સંસદમાં રજૂ કર્યું હતું અને ત્યારે તેને જોઇન્ટ પાર્લામેન્ટ્રી કમિટીની પાસે ભલામણ માટે મોકલવામાં આવ્યું હતું. હવે ફરી એકવખત કેન્દ્ર સરકાર જોઇન્ટ પાર્લામેન્ટ્રી કમિટીની ભલામણને જોતા નવા બિલનો પ્રસ્તાવ સંસદમાં રજૂ કરશે.

કેમ જરૂરી છે આ નવો કાયદો?

કેન્દ્ર સરકાર દ્વારા તૈયાર કરાઇ રહેલા આ નવા કાયદાથી બંને સરકારી અને પ્રાઇવેટ બેન્ક, ઇન્શયોરન્સ કંપનીઓ અને અન્ય નાણાંકીય સંસ્થાઓમાં દેવાળિયાની સમસ્યાથી છુટકારાનું એક નવું માળખું તૈયાર કરાશે. કેન્દ્ર સરકારનો દાવો છેકે આ કાયદો દેશમાં બેન્કિંગ અને ઇન્સોલવન્સી કોડ, સરકારી બેન્કોના રિકેપિટાલાઇઝેશન પ્લાન અને ઇન્શયોરન્સ સેક્ટરમાં વિદેશી રોકાણની મંજૂરી બાદ ફાઈનાન્સિયલ સેક્ટરનો એક લેન્ડમાર્ક રિફોર્મ થશે.

આ કાયદાથી કેવી રીતે બદલાઇ જશે તમારી બેન્ક?

કેન્દ્ર સરકારના નવા એફઆરડીઆઈ કાયદાથી હાલના કાયદા ડિપોઝીટ ઇન્શયોરન્સ એન્ડ ક્રેડિટ ગેરંટી કોર્પોરેશન ખત્મ કરી દેવાશે. હાલ અલગ-અલગ બેન્કોમાં જમા તમારા પૈસાની ગેરંટી આ કાયદાથી મળે છે. આ કાયદામાં અગત્યની એક જોગવાઇ છે કે કોઇ બેન્ક બીમાર થવાની સ્થિતિમાં જો તેને દેવાળિયું ફૂકતા ઘોષિત કરાયે છે તો બેન્કના ગ્રાહકોના એક લાખ રૂપિયા સુધી ડિપોઝીટ બેન્કને પાછી કરવી પડશે. આથી આ કાયદાથી દેશની હાલની બેન્કિંગ વ્યવસ્થા સૌથી સુરક્ષિત અને વિશ્વસનીય મનાય છે.

આ સુરક્ષિત બેન્કિંગ વ્યવસ્થાના લીધે જ દેશમાં બેન્કોના ગ્રાહકોને બેન્કમાં વિશ્વાસ કાયમ રહ્યો છે કે તેમના પૈસા કયારેય ડૂબી શકશે નહીં. કોઇ બેન્કે દેવાળિયું ફૂકવા પર પણ સરકાર ગ્રાહકોની ડિપોઝીટની ગેરંટી આ કાયદાથી આપે છે.

બનશે નવું રિઝોલ્યુશન કોર્પોરેશન

પરંતુ નવા કાયદા દ્વારા જોગવાઇ કરાશે જ્યાં અહીં ધારણા સંપૂર્ણપણે ખત્મ થઇ જશે. જૂના કાયદાને હટાવતા નાણાં મંત્રાલયના આધીન એક નવા રિઝોલ્યુશન કોર્પોરેશનને સ્થાપિત કરાશે. હાલ કોઇ બેન્કની નાણાંકીય સ્થિતિની આકરણી કરો અને તેને નાણાંકીય સંકટમાંથી બહાર નીકાળવાની સલાહ આપવાનું કામ રિઝર્વ બેન્ક કરતું હતું. પરંતુ એફઆરડીઆઈ કાયદો પાસ કર્યા બાદ નવું રિઝોલ્યુશન કોર્પોરેશન આ કામને કરવા લાગશે.

નવા કાયદાની સૌથી ખતરનાક જોગવાઇ: કાયમી નોટબંધી

હાલ દેશમાં બેન્કમાં નાણાંકીય સંકટની સ્થિતિ ઉભી થવા પર બેન્કોને બેલઆઉટ પેકેજ અપાય છે. આ બેલઆઉટ પેકેજ કેન્દ્ર સરકાર પોતાની તિજોરીમાંથી આપે છે અને કોર્પોરેટ સેકટરમાં બેડ લોન વહેંચીને બર્બાદ થયેલ બેન્ક આ બેલઆઉટ પેકેજના સહારે ફરીથી ઉભી થવાની કોશિષ કરે છે. એફઆરડીઆઈ કાયદાની અંતર્ગત જોગવાઇ કરાઇ છે કે હવે બેલઆઉટની જગ્યા બેન્ક બેલ-ઇનનો સહારો લઇ શકશે.

આમ આ રીતે હવે બેન્કોની એનપીની સમસ્યા તીવ્ર થવા પર નવા રિઝોલ્યુનશ કોર્પોરેશન નક્કી કરશે કે બેન્કમાં ગ્રાહકોના ડિપોઝીટ કરાયેલા પૈસામાં ગ્રાહક કેટલાં પૈસા નીકાળી શકે છે અને કેટલાંક પૈસા બેન્કની એનપીએ વહેંચવામાં જઇ શકે છે. દાખલા તરીકે હાલના સમયમાં બેન્કમાં સેવિંગ ખાતામાં પડેલા તમારા એક લાખ રૂપિયાને તમે જ્યારે ઇચ્છો ત્યારે ગમે તેટલા ઉપાડી શકો છો પરંતુ નવો કાયદો આવ્યા બાદ કેન્દ્ર સરકાર નવા કોર્પોરેશન દ્વારા નક્કી કરશે કે આર્થિક સંકટના સમયમાં ગ્રાહકોને કેટલાં પૈસા નીકાળવાની છૂટ આપવી અને તેની બચતની કેટલી રકમ દ્વારા બેન્કોની બેડ લોનને ઘટાડવા માટે કામમાં લેવી.

Source: Sandesh

Advertisements

Comments

comments