બોલિવૂડ ફિલ્મોને દુનિયાભરમાં પસંદ કરવામાં આવે છે. આ સિતારાઓના ચાહકો કરોડોની સંખ્યામાં છે. આ સાથે તેમના ફેન્સની સંખ્યા વિદેશમાં પણ છે. વળી પાડોશી દેશ (પાકિસ્તાન) માં ભારતીય ફિલ્મો પણ ખૂબ ધૂમ મચાવે છે. હા, એવા ઘણા સ્ટાર્સ છે જેમના પાકિસ્તાની ચાહકો આતુરતાપૂર્વક તેમની ફિલ્મ્સના રિલીઝની રાહ જોતા હોય છે પરંતુ શું તમે જાણો છો કે કેટલાક સ્ટાર્સ એવા પણ છે કે જેનાથી પાકિસ્તાની ઑડિયન્સ ખૂબ ગુસ્સે થાય છે. પાકિસ્તાની દર્શકો તેમને બહુ નાપસંદ કરે છે અને તેમની ફિલ્મોને પણ સંપૂર્ણ રીતે નકારી કાઢે છે. તો ચાલો આપણે જાણીએ કે આ યાદીમાં કોણ કોણ શામેલ છે.
જો બોલીવુડના કોઈપણ અભિનેતાથી પાકિસ્તાની પ્રેક્ષકો સૌથી વધુ ગુસ્સે થાય છે, તો તે નિ:શંકપણે સની દેઓલ છે. બોલિવૂડના આ સુપરહિટ એક્શન સ્ટારે તેની કારકિર્દીમાં ઘણી દેશભક્તિની ફિલ્મોમાં કામ કર્યું હતું. બોર્ડર, ઈન્ડિયન, ધ હીરો: લવ સ્ટોરી ઓફ અ સ્પાય અને મા તુઝે સલામ જેવી ફિલ્મોમાં આતંકવાદીઓએ ઘણા છગ્ગા છોડાવી દીધા હતા.
ફિલ્મ ગદ્દરમાં બોલવામાં આવેલા સની દેઓલના સંવાદો હજી પણ પાકિસ્તાની દર્શકોના કાનમાં ગુંજી ઉઠે છે. આ જ કારણ છે કે પાકિસ્તાની લોકોને સની દેઓલની ફિલ્મો જરાય પસંદ નથી.
અક્ષય કુમાર
અક્ષય કુમાર આ યાદીમાં આગળ આવે છે. ઘણા સમયથી અક્ષય બેક ટુ બેક દેશભક્તિ પર આધારિત ફિલ્મોમાં પણ કામ કરી રહ્યો છે. અક્ષય તેની ફિલ્મોથી દેશમાં જ નહીં પરંતુ વિદેશમાં વસતા ભારતીયોના હૃદયમાં પણ દેશભક્તિને જાગૃત કરી રહ્યો છે. પરંતુ અક્ષયની આ ફિલ્મો જોઈને પાકિસ્તાની પ્રેક્ષકોના દિલમાં ક્રોધની આગ પેદા થાય છે. આ જ કારણ છે કે હવે અક્ષયની ફિલ્મો પણ પાકિસ્તાનમાં ચાલતી નથી.
સુનીલ શેટ્ટી
એક્શન સ્ટાર સુનીલ શેટ્ટીને પણ પાકિસ્તાની પ્રેક્ષકોનો રોષ સહન કરવો પડ્યો છે. સુનિલ શેટ્ટીએ બોર્ડર સહિતની અનેક ફિલ્મોમાં આર્મી મેન અને પેટ્રિઅટ જાંબાઝ પોલીસ અધિકારીની ભૂમિકા ભજવી છે.
સલમાન ખાન
પાકિસ્તાની પ્રેક્ષકોમાં સલમાનની લોકપ્રિયતાને કોઈ હરાવી શકતું નથી, પરંતુ ફિલ્મ ‘એક થા ટાઇગર’ માટે સલમાનને પણ તેના પાકિસ્તાની ચાહકોનો નારાજગીનો સામનો કરવો પડ્યો હતો. હિન્દુસ્તાન અને પાકિસ્તાનના જાસૂસો પર આધારીત આ ફિલ્મ પાકિસ્તાનમાં રિલીઝ થવા દેવામાં આવી ન હતી.
વિકી કૌશલ
‘ઉરી ધ સર્જિકલ સ્ટ્રાઈક’ ફિલ્મમાં વિકી કૌશલ એ આર્મી ઓફિસરની ભૂમિકા નિભાવી હતી. પીઓકેમાં ભારતીય સૈન્ય દ્વારા કરવામાં આવેલી સર્જિકલ સ્ટ્રાઈકના આધારે પાકિસ્તાનમાં આ ફિલ્મ પર પ્રતિબંધ મૂકવામાં આવ્યો હતો. વળી, પાકિસ્તાનમાં વિક્કી કૌશલને કેટલો નાપસંદ થયો હશે તેનું અનુમાન લગાવવું એકદમ મુશ્કેલ છે.
