દોસ્તો જ્યારે શરીરમાં રોગપ્રતિકારક શક્તિ ઓછી હોય છે, ત્યારે વ્યક્તિ બીમાર થવા લાગે છે. આ રોગપ્રતિકારક શક્તિ ત્યારે જ મજબૂત થશે જ્યારે તમે તમારા ખાનપાનનું ખાસ ધ્યાન રાખશો. હેલ્થ એક્સપર્ટ્સનું કહેવું છે કે જો સારા ખાવા-પીવાની સાથે દરરોજ ડ્રાયફ્રૂટ્સનું સેવન કરવામાં આવે તો તે આપણને સ્વસ્થ અને ઊર્જાવાન બનાવી શકે છે એટલા માટે અમે તમારા માટે કિશમિશના ફાયદા લઈને આવ્યા છીએ. દરરોજ કિસમિસ ખાવાથી તમે ઘણી બીમારીઓથી બચી શકો છો.
કિશમિશમાં મળતા પોષક તત્વોની વાત કરીએ તો તેમાં પ્રોટીન, ફાઈબર, આયર્ન, પોટેશિયમ, કોપર, વિટામિન-બી6 અને મેંગેનીઝની સાથે ઘણા જરૂરી પોષક તત્વો હોય છે. કિસમિસમાં જોવા મળતા આ તમામ જરૂરી પોષક તત્વો સ્વસ્થ શરીર માટે ખૂબ જ મહત્વપૂર્ણ માનવામાં આવે છે.
મોટાભાગના લોકો સામાન્ય રીતે કિસમિસનું સેવન કરે છે, પરંતુ જો કિસમિસને પલાળીને ખાવામાં આવે તો તેમાં એન્ટીઓક્સીડેન્ટ અને પોષક તત્વોની માત્રા વધી જાય છે. આ રીતે સેવન કરવાથી તમે બીમારીઓથી પણ સુરક્ષિત રહેશો અને તે તમને દિવસભર ઉર્જાવાન પણ રાખશે.
દરરોજ રાત્રે 20 થી 30 કિસમિસ પલાળી રાખો અને સવારે ખાલી પેટ તેનું સેવન કરો.
કિસમિસમાં વિટામિન B અને C પૂરતી માત્રામાં હોય છે, આ સિવાય તેમાં એન્ટીઓક્સીડેન્ટ ગુણ પણ હોય છે, જે તમારી રોગપ્રતિકારક શક્તિને વધારે છે.
કિસમિસમાં કેલ્શિયમ હોય છે, જે દાંત અને હાડકાં માટે જરૂરી અને ફાયદાકારક છે. કિસમિસમાં પ્રાકૃતિક ખાંડ હોય છે, જે તમારા શરીરમાં ખૂબ જ ઝડપથી એનર્જી બનાવે છે.
કિસમિસના સેવનથી પાચનતંત્ર યોગ્ય રીતે કામ કરે છે અને તે કબજિયાતની સમસ્યાને દૂર કરે છે. કિસમિસ આપણને વજન ઘટાડવામાં પણ મદદ કરી શકે છે.
આ સાથે કિસમિસ બ્લડ પ્રેશરને પણ નિયંત્રિત કરે છે અને તે લોહીને શુદ્ધ કરવાનું પણ કામ કરે છે.
