રામ રહીમ જેલ ની બહાર નીકળી ગયો, સૌ પ્રથમ તેની બિમાર માતા ને મળશે અને ત્યારબાદ હનીપ્રીત ને

બળાત્કાર અને હત્યા ના કેસ માં જેલ ની સજા ભોગવતા ડેરા સચ્ચા સૌદા ના પ્રમુખ બાબા રામ રહીમ આખરે એક દિવસ માટે પેરોલ પર જેલ ની બહાર આવ્યા છે. નોંધનીય છે કે બાબા રામ રહીમ જેલ માંથી બહાર આવવા માટે સતત પેરોલ માટે અરજી કરતો હતો, પરંતુ કેટલાક કારણોસર પેરોલ રદ કરવા માં આવ્યું હતું. પરંતુ બળાત્કાર ના આરોપી રામ રહીમે માતા ની તબિયત ખરાબ હોવા નો પેરોલ લગાવ્યો હતો. જેને મંજૂરી મળી હતી.

ગુરમીત રામ રહીમ ને તેની માતા ને મળવા માટે પેરોલ આપવામાં આવ્યું છે. સૂત્રો ના જણાવ્યા અનુસાર, 17 મે ના રોજ રામ રહીમે સુનારીયા જેલ અધિક્ષક સુનિલ સાંગવાન ને પેરોલ માટે વિનંતી કરી હતી. એના થોડા દિવસ પહેલા જેલ માં રહીને રામ રહીમ બીમાર હતો, ત્યારબાદ તેને પીઆઈજી લઈ જવામાં આવ્યો હતો. પીજીઆઈ માં દાખલ થતાં, ગુરમિતે હનીપ્રીત ને મળવા ની ઇચ્છા વ્યક્ત કરી હતી.

Dera Sacha Sauda Chief Gurmeet Ram Rahim Singh, who is undergoing a 20-year jail sentence for raping two followers, was granted parole today to look after his ailing mother.

(File photo) pic.twitter.com/YtdTPHm2jC

— ANI (@ANI) May 21, 2021

બાબા ગુરમીત રામ રહીમ બે અલગ અલગ કેસ માં જેલ ની સજા ભોગવી રહ્યો છે. બે સાધ્વી પર બળાત્કાર કરવા ના કેસ માં તેને 20 વર્ષ ની સજા ફટકારવા માં આવી હતી, જ્યારે પત્રકાર ની હત્યા માં તેને આજીવન કેદ ની સજા ફટકારવા માં આવી હતી. રામ રહીમ ને 25 ઓગસ્ટ 2017 ના રોજ સજા ફટકારવા માં આવી હતી. અહીં જણાવી દઈએ કે 2020 ની ઓક્ટોબર માં ગુરમીત રામ રહીમ તેની માતા ને મળવા માટે પેરોલ મેળવ્યો હતો. તે દરમિયાન, હરિયાણા સરકારે ગુપ્ત રીતે પેરોલ મેળવવા માં ઘણી ટીકાઓ નો સામનો કરવો પડ્યો હતો. પરંતુ તે દરમિયાન હરિયાણા ના જેલ પ્રધાન રણજિતસિંહે પેરોલ ને ન્યાયી ઠેરવી ને કહ્યું હતું કે, તે કાયદા મુજબ આપવા માં આવ્યું છે. રણજિતસિંહે કહ્યું હતું કે, “કાયદા હેઠળ જોગવાઈ છે કે દોષી ના પરિવારમાં કટોકટી આવે તો પોલીસ સુરક્ષા હેઠળ તેને તેના પરિવાર ને મળવા ની છૂટ છે.”

તે જ સમયે, સુનારીયા જેલ અધિક્ષક સુનિલ સાંગવાને પેરોલ મંજૂર થવા અંગે ફોન પર ન્યૂઝ એજન્સી ‘પીટીઆઈ’ ને જણાવ્યું હતું કે, ‘ઇમરજન્સી પેરોલ અરજી દાખલ કર્યા પછી, અમે આ સંબંધ માં હરિયાણા પોલીસ ને એક પત્ર લખીને કહ્યું હતું. એનઓસી માંગી હતી.” જેલ અધિકારીઓ એ ડેરા પ્રમુખ ની માતા ની બીમારી થી સંબંધિત દસ્તાવેજો ચકાસણી માટે સંબંધિત અધિકારીઓ ને મોકલ્યા હતા.

માહિતી માટે જણાવી દઈએ કે ઓગસ્ટ 2017 માં સ્પેશિયલ સીબીઆઈ કોર્ટે બળાત્કાર કેસ માં રામ રહીમ ને દોષી ઠેરવ્યો હતો. પત્રકાર રામચંદ્ર છત્રપતિ એવા પ્રથમ વ્યક્તિ હતા જેમણે વર્ષ 2002 માં આ બળાત્કાર ના કેસ માં માહિતી આપી હતી, તે દરમિયાન રામચંદ્ર છત્રપતિ સિરસા ના સાંજ ના દૈનિક ‘પુરા સચ’ ના સંપાદક હતા. સાધ્વી સાથે બળાત્કાર ના સમાચાર પ્રકાશિત થયાના થોડા મહિના પછી છત્રપતિ ને ઓક્ટોબર 2002 માં ગોળી મારી દેવા માં આવી હતી. લગભગ ચાર વર્ષ પછી, આ કેસ 2006 માં સીબીઆઈ ને સોંપવા માં આવ્યો હતો.