આ 7 રીતે ‘જિમ’માં ગયા વગર વજન ઉતારો

Please log in or register to like posts.
News

આ 7 રીતે ‘જિમ’માં ગયા વગર વજન ઉતારો

ટીવીને તમારું બોસ બનતા અટકાવોઃ ફૂડ ક્વોલિટી અને સ્ટડી મુજબ, જે લોકો ટીવી જોતી વખતે જમે છે તેમને કંઈ ખબર નથી પડતી કે તેઓ શું જમી રહ્યા છે. ઘણી વખત એવું બનતું હોય છે કે કેટલીક તેમને ન ભાવતી વાનગીઓ પણ તેઓ ટીવી જોતા-જોતા ખાઈ જાય છે. તો ટીવી ઓફ કરો અને ફૂડ એન્જોય કરો.

2/7આ 7 રીતે ‘જિમ’માં ગયા વગર વજન ઉતારો

ઓફિસમાં ડેસ્ક પર ન જમોઃ અમેરિકાની જનરલ ક્લિનિક ન્યુટ્રિશનમાં છપાયેલા સ્ટડી મુજબ જે લોકો કમ્પ્યુટરની સામે બેસીને જમે છે તેઓ વિચલિત થઈ જાય છે, જેના કારણે તેમને એ બાબતનું ભાન નથી રહેતું કે તેઓ કેટલું અને શું જમી રહ્યા છે. આમ તેઓ કંઈ પણ સમજ્યા વિના વધુ જમી લે છે. તો કેન્ટિન કે પેન્ટ્રીમાં જઈને ગ્રુપ સાથે બેસીને તમારું લન્ચ/ડિનર એન્જોય કરો.

3/7આ 7 રીતે ‘જિમ’માં ગયા વગર વજન ઉતારો

શોપિંગ કરવા જાવ તો પહેલા જમી લોઃ જો ખાલી પેટે શોપિંગ કરવા જશો તમને પછી ત્યાં જમવાની લાલચ રહેશે. તમને થોડું ફરીને ભૂખ લાગશે એટલે તમે ત્યાં કંઈકને કંઈક નાસ્તો કે આઈસ્ક્રીમ ખાતા રહેશો. આમ કરવાથી તમારું પેટ થોડી-થોડીવારે ભરાતું રહેશે ફ્રેન્ડની સાથે હશો તો તમે આનાકાની કર્યા વગર હેલ્ધી નહીં હોય તેવું ફૂડ પણ આરોગી જશો. તમને લાગતું હોય કે શોપિંગમાં ભૂખ લાગશે તો એક સફરજન કે તમને ભાવતું ફ્રૂટ સાથે રાખો.

4/7આ 7 રીતે ‘જિમ’માં ગયા વગર વજન ઉતારો

શોપિંગ કરવા જતા પહેલા લિસ્ટ તૈયાર રાખોઃ શોપિંગ પર જતા પહેલા તમારે કઈ વસ્તુઓની જરૂર છે તેનું એક લિસ્ટ તૈયાર કરીને સાથે રાખો. જો આમ નહીં કર્યું હોય તો તમે ઘરે એવી વસ્તુઓ પર લઈ આવશો જેની તમને જરૂર નહીં હોય. આમ કરશો તો તમારા પેટની સાથે ખિસ્સાનું બજેટ પણ સચવાઈ રહેશે.

5/7આ 7 રીતે ‘જિમ’માં ગયા વગર વજન ઉતારો

રેસ્ટોરાના મેનુનું રિસર્ચ કરીને વજન ઘટાડોઃ રેસ્ટોરામાં જાવ અને અને અનહેલ્ધી સરપ્રાઈઝ મળે તેના કરતા તમે રેસ્ટોરામાં જઈને શું ખાવાના છો તે આછુપાતળું નક્કી રાખો. તમે જે રેસ્ટોરાં કે હોટલમાં જવાના છો તેનું મેનુ ઓનલાઈન ચેક કરીને પણ વિઝિટ કરી શકો છો.

6/7આ 7 રીતે ‘જિમ’માં ગયા વગર વજન ઉતારો

આકર્ષક લાગતા ખોરાક અંગે કલ્પના કરોઃ કાર્નેગી મેલન યુનિવર્સિટીના રિસર્ચ મુજબ તમે જે જમવાના છો તેની કલ્પના કરો જેથી તમે અગાઉથી જ સાવધાન થઈ જશો. સરળ ભાષામાં જણાવીએ તો, તમે જો અવારનવાર કોઈ ચોક્કસ ચીજ ખાવાનો વિચાર કર્યા કરશો તો તેને કારણે વાસ્તવિકતામાં તે ફૂડ ખાવાની તમારી ઇચ્છા ઓછી થઈ જશે. ફૂડની કલ્પના કરવાની કે તેને વિઝ્યુલાઈઝ કરવાની આ કવાયતથી તમને સાચે જ ભૂખ લાગી છે કે તમે ખાલી તમારું ધ્યાન બીજે વાળવા ખાવા માંગો છો તે પણ ખબર પડી જશે? આથી આમ કરવાથી તમે વગર ભૂખે ખાવાનું ટાળી શકશો.

7/7આ 7 રીતે ‘જિમ’માં ગયા વગર વજન ઉતારો

તમને ભાવતા ખોરાકને વધારે ટાળશો નહીંઃ તમારા એક સમયે ભાવતા ભોજનથી દૂર ન થઈ જશો. અમે તમને તોડી નાખવા નથી માગતા. તમારા ભાવતા ભોજનને વારંવાર ખાવાના બદલે મન પર મનોવૈજ્ઞાનિક દબાણ બનાવીને તેને ક્યારેક-ક્યારેક એન્જોય કરી લો. કેટલાક લોકો એક ગાંઠ બાંધીને બેસી જતા હોય છે કે અમુક વસ્તુ ખાવાની છોડી દેવાની એટલે સાવ છોડી દેવાની, પરંતુ કેટલાક જરૂરી પ્રવાહી, ન્યુટ્રીઅન્ટ અને મસલ્સ ટીસ્યુ માટે જરુરી હોય છે. શરીરને અમુક પ્રકારના ખોરાક ન મળવાથી હાઈપોટેન્શન, મોઢું કોરું પડવું અને મોઢામાંથી દુર્ગંધ આવવાની સમસ્યાઓ ઉભી થાય છે.

(તસવીરો સાભારઃ Shutterstock)

ડિસ્ક્લેમરઃ ઉપર દર્શાવવામાં આવેલી તમામ માહિતી કેટલાક પ્રોફેશનલ દ્વારા આપવામાં આવી છે અમે આ અંગે કોઈ જવાબદારી નથી લઈ રહ્યા. વધુ માહિતી માટે તમારા ફિઝિશિયનને મળો.

Source: IamGujarat

Advertisements

Comments

comments