રામાનંદ સાગર દ્વારા નિર્દેશિત ઐતિહાસિક ધારાવાહિક ‘રામાયણ’ એ દર્શકો ના હૃદય માં અમીટ છાપ ઊભી કરી હતી. રામાયણ વર્ષ 1987 માં શરૂ થઈ અને વર્ષ 1988 માં સમાપ્ત થઈ. ‘રામાયણ’ ભારતીય ટીવી ઈતિહાસ ની સૌથી લોકપ્રિય અને પ્રિય સિરિયલ છે.
રામાનંદ સાગરે આ સિરિયલ નું નિર્દેશન કરીને ઘણી લોકપ્રિયતા મેળવી હતી. રામાનંદ સાગર ની સાથે તેમાં કામ કરનારા કલાકારો ને પણ ઘણી લોકપ્રિયતા અને સફળતા મળી. રામાયણ માં ભગવાન શ્રી રામ ની ભૂમિકા અભિનેતા અરુણ ગોવિલે ભજવી હતી અને માતા સીતા ની ભૂમિકા અભિનેત્રી દીપિકા ચીખલિયા એ ભજવી હતી.
રામાયણ માં કામ કરનારા ઘણા કલાકારો હવે આ દુનિયા માં નથી. તે જ સમયે, રામાયણ ના ઘણા કલાકારો આજે પણ દર્શકો માં લોકપ્રિય છે. રામાયણ માં માતા જાનકી ના રોલ માં જોવા મળેલી દીપિકા ચીખલિયા આજે પણ એક્ટિંગ ની દુનિયા માં સક્રિય છે. સાથે જ તે સોશિયલ મીડિયા પર પણ એક્ટિવ રહે છે.
ઈન્સ્ટાગ્રામ પર દીપિકા ચિખલિયા ને લાખો લોકો ફોલો કરે છે. દીપિકા અવારનવાર પોતાની તસવીરો અને વીડિયો સોશિયલ મીડિયા પર પોસ્ટ કરતી રહે છે. ક્યારેક ચાહકો તેની તસવીરો ખૂબ પસંદ કરે છે તો ક્યારેક તેને તેની તસવીરો અને વીડિયોના કારણે ટ્રોલ પણ થવું પડે છે. આ વખતે પણ કંઈક આવું જ થઈ રહ્યું છે.
હાલમાં જ દીપિકા એ તેના ઈન્સ્ટાગ્રામ એકાઉન્ટ પરથી તેની કેટલીક તસવીરો શેર કરી છે, જેમાં તે વન-પીસ ડ્રેસ માં જોવા મળી રહી છે. તેની આ તસવીરો જોયા બાદ કેટલાક ફેન્સે તેના વખાણ કર્યા તો કેટલાકે તેના ડ્રેસ ને લઈને ટ્રોલ પણ કરી. આ તસવીરો શેર કરતા અભિનેત્રી એ લખ્યું કે, “કેટલાક દિવસો માટે તમને એકમાત્ર સંગીત જોઈએ છે તે મૌન છે”.
દીપિકા ચિખલિયા ની આ તસવીરો પર એક યુઝરે લખ્યું છે કે, ‘ગુડ મોર્નિંગ દી’. એક યુઝરે લખ્યું છે કે, “સવારે વહેલી સવારે તમને જોવું એ મારું સૌભાગ્ય છે”. એક યુઝરે કમેન્ટ કરી કે, “જય માતા દી”. એકે લખ્યું, “અનોખી સુંદરતા સાદગી. જય માતા સીતા.
દીપિકા ને ઘણા સોશિયલ મીડિયા યુઝર્સ દ્વારા ટ્રોલ પણ કરવામાં આવી છે. એક યુઝરે લખ્યું છે કે, “દીપિકા દીદી, અમે તમને હજુ પણ સીતા માતા ના રૂપ માં જ જોશું અને હંમેશા તમને જોઈશું, તેથી કૃપા કરીને એવો કોઈ ફોટો પોસ્ટ કરશો નહીં, જેનાથી અમારી ભાવનાઓને ઠેસ પહોંચે”. એકે લખ્યું હતું કે, “તમે અમારી માતા છો, તમને આવા કપડાં પહેરવા યોગ્ય નથી”.
રામાયણ ના ‘સીતા-રામ‘ 36 વર્ષ પછી સાથે જોવા મળશે
View this post on Instagram
ઉલ્લેખનીય છે કે, રામાયણ માં કામ કર્યા ના 36 વર્ષ પછી અરુણ ગોવિલ અને દીપિકા ચિખલિયા ફરી થી સ્ક્રીન પર સાથે જોવા મળી શકે છે. હાલમાં જ દીપકા એ એક વિડીયો શેર કર્યો હતો અને લખ્યું હતું કે, “સેટ પર”. આ વીડિયોમાં અરુણ ગોવિલની ઝલક પણ જોવા મળી હતી. એવું માનવામાં આવતું હતું કે હવે આ બંને કલાકારો ફરીથી ફિલ્મ અથવા ટીવી સિરિયલ માં જોવા મળી શકે છે.
