કોફી વિથ કરણ ની સાતમી સીઝન તાજેતર માં ડિઝની પ્લસ હોટસ્ટાર પર ચાલી રહી છે અને અત્યાર સુધી માં શો ના 4 એપિસોડ આવી ચૂક્યા છે જેમાં જાહ્નવી કપૂર, સારા અલી ખાન, અનન્યા પાંડે, વિજય દેવેરાકોંડા, અક્ષય કુમાર, સામંથા પ્રભુ, આલિયા અને રણવીર સિંહ સ્પોટ થયો છે. કોફી વિથ કરણ શો તેના વક્તવ્ય ને કારણે હંમેશા વિવાદો માં ઘેરાયેલો રહ્યો છે. આ શો માં ઘણા એવા સેલિબ્રિટી કપલ્સ પણ આવ્યા છે જેમણે શો છોડતા ની સાથે જ બ્રેકઅપ કરી લીધું છે.
કરીના કપૂર અને શાહિદ કપૂર
કોફી વિથ કરણ ની સીઝન 2 માં કરીના કપૂર અને શાહિદ કપૂરે તેમના સંબંધો વિશે ખુલીને વાત કરી હતી. 3 વર્ષ સુધી ડેટિંગ કર્યા પછી, કરીના કપૂર અને શાહિદ કપૂર જબ વી મેટ ના શૂટિંગ દરમિયાન અલગ થઈ ગયા.
બિપાશા બાસુ અને જોન અબ્રાહમ
બિપાશા અને જ્હોને તેમની કારકિર્દી એકસાથે શરૂ કરી હતી અને યુગલે ઘણા વર્ષો સુધી ડેટ કર્યું હતું. તેઓ કોફી વિથ કરણ ની સીઝન 2 માં સાથે જોવા મળ્યા હતા પરંતુ થોડા સમય પછી બંને અલગ થઈ ગયા હતા.
સુઝાન અને રિતિક રોશન
સુઝૈન ખાન અને રિતિક રોશને લાંબા સમય સુધી ડેટિંગ કર્યા બાદ લગ્ન કર્યા પરંતુ 14 વર્ષ સાથે રહ્યા બાદ છૂટાછેડા લેવાનો નિર્ણય કર્યો. સુઝાન અને રિતિક રોશન કોફી વિથ કરણ ની સીઝન 3 માં જોવા મળ્યા હતા.
રણવીર સિંહ અને અનુષ્કા શર્મા
રણવીર સિંહ અને અનુષ્કા શર્મા એ બેન્ડ બાજા બારાત અને લેડીઝ વર્સીસ રિકી બહલ ફિલ્મો માં સાથે કામ કર્યું હતું. આ કપલે કોફી વિથ કરણ ની સીઝન 3 માં સાથે હાજરી આપી હતી. જોકે, થોડા સમય પછી તેઓનું બ્રેકઅપ થઈ ગયું.
પ્રિયંકા ચોપરા અને શાહિદ કપૂર
પ્રિયંકા ચોપરા અને શાહિદ કપૂર પણ એક સમયે રિલેશનશિપ માં હતા. શાહિદ કપૂર ઈન્કમ ટેક્સ ના દરોડા દરમિયાન પ્રિયંકા ના ઘરે જોવા મળ્યો હતો. આ સિવાય પ્રિયંકા અને શાહિદ કપૂર કોફી વિથ કરણ સીઝન 3 માં જોવા મળ્યા હતા.
આદિત્ય રોય કપૂર અને શ્રદ્ધા કપૂર
ફિલ્મ આશિકી 2 ના શૂટિંગ દરમિયાન, આદિત્ય અને શ્રદ્ધા નજીક આવી ગયા હતા, જેના કારણે અફેર ના સમાચારો શરૂ થયા હતા. કોફી વિથ કરણ ની સીઝન 3 માં શ્રદ્ધા અને આદિત્ય રોય કપૂર સાથે જોવા મળ્યા હતા.
આમિર ખાન અને કિરણ રાવ
આમિર ખાન અને કિરણ રાવ કોફી વિથ કરણ ની સીઝન 4 માં જોવા મળ્યા હતા પરંતુ ત્યારથી આમિર ખાન અને કિરણ રાવ વચ્ચે અણબનાવ શરૂ થયો હતો જેના કારણે વર્ષ 2021 માં તેમના છૂટાછેડા થઈ ગયા હતા.
