ટીવી જગતના આ સિતારાઓએ વિદેશી લોકોને બનાવ્યા જીવનસાથી, કોઈકે કર્યા લગ્ન તો કોઈ રહી રહ્યા છે લીવ ઇનમાં…

બોલિવૂડ અને ટીવી સ્ટાર્સનું જીવન સામાન્ય લોકોના જીવનથી ઘણા અંશે અલગ છે. બોલીવુડમાં એવા ઘણા સ્ટાર્સ છે, જે લગ્નની ઉંમરે પણ હસીનાઓને ડેટ કરી રહ્યા છે તો કેટલાક એવા પણ છે કે જેમણે તેમના જીવનસાથીની શોધમાં વિદેશની સફર કરવી પડી હતી. આવી સ્થિતિમાં આજે અમે તમને એવા સિતારાઓ વિશે જણાવવા જઈ રહ્યા છીએ, જેઓએ તેમના પાર્ટનરની વિદેશ માંથી પસંદગી કરી હતી.

રાહુલ મહાજન

બિગ-બોસના પૂર્વ સ્પર્ધક રાહુલ મહાજને વર્ષ 2018 માં કઝાકિસ્તાનના મોડેલ સાથે ગુપ્ત રીતે લગ્ન કરીને બધાને આશ્ચર્યચકિત કર્યા હતા. રાહુલ મહાજનનું આ ત્રીજા લગ્ન હતા. આ પહેલા રાહુલ મહાજને પાઇલટ શ્વેતા સિંહ અને ડિમ્પી ગાંગુલી સાથે લગ્ન કર્યા હતા.

રઘુરામ

એમટીવી રોડીઝ ફેમ ટેલિવિઝન નિર્માતા રઘુરામે તેની કેનેડિયન સિંગર ગર્લફ્રેન્ડ નતાલિયા ડી લુસિઓ સાથે વર્ષ 2018 માં લગ્ન કર્યા હતા અને બંનેનાં લગ્ન ગોવામાં થયાં હતા. જોકે લગ્નના ફોટા સોશિયલ મીડિયા પર વાયરલ થયા હતા. તમને જણાવી દઈએ કે આ દંપતી હવે માતા-પિતા બની ગયા છે. તમને જણાવી દઈએ કે અગાઉ રઘુરામે સુગંધા ગર્ગ સાથે લગ્ન કર્યા હતા અને તેમની વચ્ચે અણબનાવ બનતા જાન્યુઆરી 2018 માં તેમના છૂટાછેડા થયા હતા.

વિંદુ દારા સિંહ

ટીવી એક્ટર વિંદુ દારા સિંહે પણ રશિયન મોડેલ ડીનો ઉમારોવા સાથે લગ્ન કર્યા હતા. વિંદુ અને ડીનોને એક પુત્રી છે. વિંદુ દારાના આ બીજા લગ્ન છે. આ પહેલા તેણે તબ્બુની બહેન અભિનેત્રી ફરાહ સાથે લગ્ન કર્યા હતા. જો કે આ સંબંધ લાંબો સમય ટકી શક્યો નહીં અને આ દંપતીના છૂટાછેડા થઈ ગયા.

નારાયણી શાસ્ત્રી

‘સાસ ભી કભી બહુ થી’, ‘પિયા કા ઘર’, અને ‘કુસુમ’ જેવા શોમાં પોતાના અભિનયથી બધાને પ્રભાવિત કરનારા નારાયણી શાસ્ત્રીએ 2015 માં જ તેના બ્રિટીશ બોયફ્રેન્ડ સ્ટીવન ગ્રેવર સાથે લગ્ન કર્યા હતા. નારાયણીએ તેના લગ્નને એક વર્ષ સુધી દુનિયાથી છુપાવી રાખ્યા હતા અને અચાનક લોકોએ સોશિયલ મીડિયા પર ફોટો શેર કર્યો હતો અને લગ્નની માહિતી આપી હતી.

આશ્કા ગોરાડિયા

અભિનેત્રી આશ્કા ગારોડિયાએ વર્ષ 2017 માં તેના વિદેશી બોયફ્રેન્ડ બ્રેન્ટ ગોબલ સાથે લગ્ન કર્યા હતા. બંનેના લગ્નને લઈને ઘણી ચર્ચાઓ પણ થઈ હતી. આશ્કાએ ગોવામાં બ્રેન્ટ સાથે લગ્ન કર્યા હતા. આશ્કાના લગ્ન બે રિવાજો સાથે થયાં હતાં. કારણ કે આશ્કા પોતે ગુજરાતની છે તો ત્યાં તેનો પતિ બ્રેન્ટ ક્રિશ્ચિયન છે.

શ્રીજીતા દે

ફેમસ ટીવી અભિનેત્રી શ્રીજીતા ડે છેલ્લા કેટલાક સમયથી જર્મનીના બોયફ્રેન્ડ માઇકલને ડેટ કરી રહી છે. માઇકલ બિઝનેસ ડેવલપર છે, અને હાલમાં તે મુંબઈમાં કામ કરે છે. શ્રીજીતા અને માઇકલે પણ સગાઈ કરી લીધી છે, એવા અહેવાલો સાથે શ્રીજીતા અને માઇકલ ગયા વર્ષે લગ્ન કરવાના હતા પંરતુ લોકડાઉનને કારણે તેઓએ તેમના લગ્ન મોકૂફ રાખવાનું નક્કી કર્યું હતું.

શમા સિકંદર

પ્રખ્યાત અભિનેત્રી શમા સિકંદર અમેરિકન ઉદ્યોગપતિ જેમ્સ મિલિરોનને ડેટ કરી રહી છે. કહેવામાં આવી રહ્યું છે કે આ કપલની સગાઈ પણ થઈ ગઈ છે અને ટૂંક સમયમાં આ કપલના લગ્ન પણ થઇ શકે છે.