આ વખતે વસંત પંચમીએ નહિ થાય એક પણ લગ્ન, આ છે કારણ

Please log in or register to like posts.
News

આ વર્ષે અપવાદઃ

હિન્દુ ધર્મમાં વસંત પંચમીને શુભ દિવસ માનવામાં આવે છે. સામાન્ય રીતે વસંત પંચમીના દિવસે પુષ્કળ પ્રમાણમાં લગ્નો હોય છે પરંતુ આ વર્ષે અપવાદ છે. આ વર્ષે વસંત પંચમીના દિવસે એક પણ લગ્ન યોજાવાના નથી. હિન્દુ પંચાંગ અનુસાર માઘ મહિનાની શુક્લ પક્ષની પાંચમના રોજ વસંતપંચમી ઉજવવામાં આવે છે.

લગ્ન સહિતના શુભ કાર્યો વર્જિતઃ

1 ફેબ્રુઆરી સુધી શુક્રનો અસ્ત હોવાથી લગ્ન સહિતના શુભ કાર્યો વર્જિત છે. આ સ્થિતિમાં લગ્નન અને શુભકાર્ય માટે ગણાતી વસંત પંચમીએ પણ લગ્ન માટે એક પણ સારુ મુહૂર્ત નથી. આ ઉપરાંત વસંત પંચમીના દિવસે ઉત્તરા ભાદ્રપદ નક્ષત્ર, પરિઘ શુભ યોગ ઊભા થઈ રહ્યા છે.

રવિવારે-સોમવારે વસંત પંચમીઃ

આ વર્ષે 21 જાન્યુઆરી એટલે કે બે દિવસ પછી રવિવારે વસંત પંચમી આવી રહી છે. બપોરે 3.33 વાગ્યાથી સોમવારે સાંજે 4.24 વાગ્યા સુધી વસંત પંચમી રહેશે. સૂર્યોદય તિથિ ગણીને વસંત પંચમીની ઉજવણી સોમવારે જ કરવામાં આવશે.

સરસ્વતી પૂજાથી વિશેષ લાભઃ

સોમવારે વસંત પંચમીનો શુભયોગ બની રહ્યો હોવાથી આ દિવસે પૂજા-પાઠ કરવાથી વિશેષ લાભ મળશે. સરસ્વતી પૂજા કરવા માટે મુહૂર્ત સવારે 7.21થી બપોરે 12.36 સુધીનુ છે. વસંત પંચમીના દિવસે સરસ્વતી પૂજનનુ આગવુ મહત્વ હોય છે. એવી કથા છે કે બ્રહ્માજીએ વિષ્ણુ ભગવાનની આજ્ઞાથી આ દિવસે પૃથ્વી પર મા સરસ્વતી તરીકે અવતાર લીધો હતો. આ દિવસને મા સરસ્વતીના જન્મદિવસ તરીકે પણ ઊજવવામાં આવે છે.

વસંત પંચમી શુભ ગણાય પણ…

વસંત પંચમીનો દિવસ એટલો શુભ ગણાય છે કે આ દિવસે કોઈ મુહૂર્ત જોવાની પણ જરૂર પડતી નથી. પરંતુ આ વર્ષે શુક્ર અસ્ત છે તે કારણે લગ્ન વગેરે શુભ પ્રસંગો આ વર્ષે પડતા મૂકાયા છે. 1 ફેબ્રુઆરી સુધી શુક્ર અસ્ત હોવાથી લગ્ન, વાસ્તુ, જનોઈ, પ્રતિષ્ઠાન જેવા શુભ કામ થઈ નહિ શકે.

5 ફેબ્રુઆરી પછી સારા મુહૂર્તઃ

હવે 5 ફેબ્રુઆરીથી લગ્નના સારા મુહૂર્ત આવશે. ભારતમાં વસંત ઋતુને ઋતુઓનો રાજા માનવામાં આવે છે અને આ ગાળામાં વધુમાં વધુ શુભ કાર્યો યોજવામાં આવે છે.

Source:IamGujarat

Advertisements

Comments

comments

Reactions

0
0
0
0
0
0
Already reacted for this post.