ભારતીય ક્રિકેટ ટીમ હાલ માં જ ઓસ્ટ્રેલિયા સામે ની ત્રીજી ટેસ્ટ મેચ માટે ઈન્દોર પહોંચી હતી. ભારત અને ઓસ્ટ્રેલિયા વચ્ચે ત્રીજી ટેસ્ટ મેચ 1 માર્ચ થી શરૂ થઈ હતી. પાંચમા દિવસ સુધી મેચ ચાલી ન હતી. ત્રીજા દિવસ ના પહેલા જ સેશન માં ઓસ્ટ્રેલિયા એ જીત મેળવી હતી.
ઓસ્ટ્રેલિયા એ ત્રીજી ટેસ્ટ જીત્યા બાદ તેણે રાહત નો શ્વાસ લીધો છે. ભારતે શરૂઆત ની બંને મેચ જીતી હતી. ત્રીજી ટેસ્ટ મેચ ખતમ થયા બાદ પૂર્વ ભારતીય કેપ્ટન વિરાટ કોહલી તેની પત્ની અને બોલિવૂડ અભિનેત્રી અનુષ્કા શર્મા સાથે ભગવાન મહાકાલ ના દર્શન કરવા ઉજ્જૈન ના વિશ્વ પ્રસિદ્ધ મહાકાલેશ્વર જ્યોતિર્લિંગ પહોંચ્યા હતા.
વિરાટ કોહલી અને અનુષ્કા શર્માની તસવીરો અને વીડિયો સોશિયલ મીડિયા પર ખૂબ વાયરલ થઈ રહ્યા છે. શનિવારે સવારે અનુષ્કા અને વિરાટ સાથે ભગવાન શિવના દરબારમાં હાજરી આપી હતી. બંને એ બાબા મહાકાલ ની વિશ્વ પ્રસિદ્ધ ભસ્મારતી માં ભાગ લીધો હતો. બંનેએ પૂજારીઓ ની મદદ થી બાબા ની પૂજા પણ કરી હતી.
વિરાટ અને અનુષ્કા એ પણ નંદી હોલ માં સારો સમય વિતાવ્યો હતો. વાયરલ વીડિયો અને તસવીરો માં તમે જોઈ શકો છો કે વિરાટ પરંપરાગત પોશાક માં જોવા મળી રહ્યો છે. તેણે ધોતી પહેરેલી છે અને ગળા માં ગમછા છે. વિરાટ ના ગળા માં રુદ્રાક્ષ ની માળા પણ છે. સાથે જ તેના કપાળ પર ચંદન નું તિલક લગાવવા માં આવે છે.
જ્યારે અનુષ્કા શર્મા એ પણ પોતાના લુક થી ફેન્સ નું દિલ જીતી લીધું હતું. ભગવાન મહાકાલ ના દરબાર માં અનુષ્કા આછા ગુલાબી રંગ ની સાડી માં જોવા મળી હતી. અનુષ્કા અને વિરાટે સાથે બાબા ના દર્શન કર્યા અને શિવલિંગ ની પૂજા પણ કરી. આ પછી દંપતી એ નંદી હોલ માં બેસી ને શિવલિંગ નું ધ્યાન કર્યું.
અનુષ્કા અને વિરાટે બાબા મહાકાલ ના દર્શન અને પૂજા કર્યા પછી શાંતિ અને આરામ અનુભવ્યો. જણાવી દઈએ કે બંને આવી ધાર્મિક યાત્રાઓ કરતા રહે છે. છેલ્લા કેટલાક મહિનાઓ માં એવું જોવા મળ્યું છે કે જ્યારે પણ બંને ને સમય મળે છે ત્યારે બંને આધ્યાત્મિકતા ના માર્ગ પર ચાલે છે.
વિરાટ અને અનુષ્કા ની મહાકાલેશ્વર મંદિરની મુલાકાતની તસવીરો અને વીડિયો સોશિયલ મીડિયા પર ખૂબ વાયરલ થઈ રહ્યા છે. ભગવાન શિવના દરબારમાં બંનેના આગમનને ચાહકો પણ ખૂબ પસંદ કરી રહ્યા છે. ચાહકો બંનેના ખૂબ વખાણ કરી રહ્યા છે અને કોમેન્ટ કરીને પોતાનો પ્રેમ વરસાવી રહ્યા છે.
કોમેન્ટ કરતી વખતે એક યુઝરે લખ્યું છે કે, “જય શ્રી મહાકાલ”. એકે લખ્યું, “ધીમે ધીમે તમારા માટે અમારું સન્માન વધી રહ્યું છે!! ભગવાન મહાકાલ ની જય.” બીજાએ ટિપ્પણી કરી કે, “એક દિવસ બધા ને આવવા નું જ છે મહાકાલ ના દ્વાર પર”.
અક્ષર પટેલ પણ પત્ની સાથે ભસ્મારતી માં સામેલ હતો
વિરાટ પહેલા ઓલરાઉન્ડર અક્ષર પટેલ પણ મહાકાલ ના દ્વારે પહોંચી ગયો હતો. તેણે પત્ની મેહા સાથે ભસ્મરતી માં ભાગ લીધો હતો.
કેએલ રાહુલે પણ આથિયા સાથે દર્શન કર્યા હતા
જ્યારે અક્ષર પટેલ પહેલા કેએલ રાહુલ તેની પત્ની આથિયા શેટ્ટી સાથે બાબા મહાકાલ ના દરબાર માં પહોંચ્યો હતો. બંને એ ભસ્મારતી માં ભાગ લીધો અને બાબા ની પૂજા કરી.
