[whatsapp_group link=”https://chat.whatsapp.com/BfJEIyk9Zyl63Bdvnj805I” text=”જોડાઓ જો બકા વૉટ્સએપ ગ્રુપમાં”]
થોડા દિવસો પહેલા સમાચાર આવ્યા હતા કે આર માધવનને પાન મસાલાની જાહેરાત કરવાનો મોટો ઓફર આવ્યો હતો જેને તેમણે નકારી દીધો હતો. હવે આ યાદીમાં અનિલ કપૂરનું નામ પણ ઉમેરાયું છે. રિપોર્ટ્સ મુજબ અનિલ કપૂરનો જાણીતી પાન મસાલા બ્રાન્ડે સંપર્ક કર્યો હતો. આ માટે 10 કરોડ રૂપિયાનો ઓફર કરવામાં આવ્યો હતો, પરંતુ અનિલ કપૂરે જાહેરાત કરવાની ના પાડી દીધી.
સ્વાસ્થ્ય પ્રત્યે જાગૃત છે અનિલ કપૂર
મની કંટ્રોલ.કોમ અનુસાર, ‘તેમને મોટી પાન મસાલા કંપનીએ આકર્ષક ઓફર આપ્યો હતો પરંતુ તેમણે તેને નકારી દીધો. તેમને પોતાના ચાહકો પ્રત્યેની જવાબદારીનો અહેસાસ છે અને એવી જાહેરાતો કરવા માંગતા નથી જે લોકોના સ્વાસ્થ્યને નુકસાન પહોંચાડે, ભલે તેના માટે ગમે તેટલી કિંમત ચૂકવવી પડે.’
અજય દેવગણ થાય છે ટ્રોલ
અનિલ કપૂર તેમની ફિટનેસ માટે જાણીતા છે. આવી સ્થિતિમાં જાહેરાત માટે ના પાડવાના તેમના નિર્ણયની પ્રશંસા થઈ રહી છે. જણાવી દઈએ કે અજય દેવગણને સોશિયલ મીડિયા પર પાન મસાલા બ્રાન્ડની જાહેરાત કરવા બદલ ટ્રોલ કરવામાં આવે છે. જ્યારે અક્ષય કુમાર પણ તે બ્રાન્ડ સાથે જોડાયા ત્યારે લોકોએ ખૂબ ગુસ્સો વ્યક્ત કર્યો હતો. ત્યારબાદ અક્ષયે લોકોની માફી માંગી અને બ્રાન્ડ સાથેનો કરાર સમાપ્ત કરી દીધો.
[whatsapp_group link=”https://chat.whatsapp.com/BfJEIyk9Zyl63Bdvnj805I” text=”જોડાઓ જો બકા વૉટ્સએપ ગ્રુપમાં”]