ટીવી નો સૌથી વધુ ચાલતો શો તારક મહેતા કા ઉલ્ટા ચશ્મા આ દિવસો માં તેના પાત્રો ને લઈને ચર્ચા માં છે. લાંબા સમય થી ચાલતા આ શો માં જેમ જેમ સમય વધી રહ્યો છે. કેરેક્ટર માં પણ બદલાવ આવી રહ્યા છે.
એક પછી એક શો ના ઘણા કલાકારો એ શો ને અલવિદા કહી દીધું છે. જો કે, ઘણી ભૂમિકાઓ માટે, નિર્માતાઓ એ નવા કલાકારો શોધી કાઢ્યા છે. પરંતુ નવા કલાકારો થી દર્શકો સંપૂર્ણપણે સંતુષ્ટ નથી. શોને લઈને લોકોની રુચિ પણ ઓછી થવા લાગી છે.
નવા તારક મહેતા જામ્યા નથી
તમને જણાવી દઈએ કે શો માં ગુડબાય ની સીરિઝની શરૂઆત દયા બહેન ની દિશા વાકાણી થી થઈ હતી, જોકે વર્ષો પછી પણ મેકર્સે શો માં દયા બહેન નો રોલ કરવા ની કોઈ અન્ય કલાકાર ને તક આપી નથી.
એ જ રીતે હવે શો માંથી વર્ષો થી તારક મહેતા નું પાત્ર ભજવી રહેલા શૈલેષ લોઢા એ પણ અલવિદા કહી દીધું છે. જોકે, નિર્માતાઓ એ તારક મહેતા ના રોલ માટે નવા કલાકાર સચિન શ્રોફ ની પસંદગી કરી છે. સચિન હવે તારક મહેતા બની ને શો માંથી લોકોને હસાવવાનો પ્રયાસ કરી રહ્યો છે. પરંતુ લોકોને હવે તારક મહેતા નું રિપ્લેસમેન્ટ પસંદ નથી.
સોશિયલ મીડિયા પર ફેન્સ ગુસ્સે છે
સોશિયલ મીડિયા પર લોકોએ પણ આ અંગે મેકર્સ ની ક્લાસ લેવાનું શરૂ કરી દીધું છે. સોશિયલ મીડિયા પર લોકો નવા તારક મહેતા વિશે ઘણી વાતો કરવા લાગ્યા છે. આ જોયા પછી હવે કહી શકાય કે નવા તારક મહેતા ને સ્વીકારવું દર્શકો માટે કેટલું મુશ્કેલ છે.
આ સિવાય તમને જણાવી દઈએ કે થોડા સમય પહેલા આ શો માં તારક મહેતા ની પત્ની અંજલિનું પાત્ર પણ બદલવામાં આવ્યું હતું. તેવી જ રીતે, સોઢી, ટપ્પુ અને અન્ય ઘણા કલાકારો ને શો માં બદલવા માં આવ્યા છે.